沒完沒了

今天去了覆診，我呢兩隻牙真係攪左我好耐，糾纏左差唔多兩個月，睇左五六次，仲痛到要請埋病假，使左好多錢，諗住睇埋今次就埋單……..

點知佢又同我講，另外有隻牙要再補過……你同姑娘再約過時間啦

又約過??我真係o黎左好多次la,真係人都顛

係度奉勸各位,一定要好好愛護牙齒,要定期檢查呀!

橋上風景

不錯,我又再聽著這首歌

其實歌詞與我這刻的心情沒有關係

但，就是有一種沉重

今天是一個很特別的節日

大家應該好好與摯親慶祝

朋友仔說，從前也會跟摯親去飲茶聊天

但今天地點依舊，人面已全非

不禁有點神傷

我聽著這些話，也感受到那份懷念與心痛

我是理解，也明白某些道理

但要從何做起？我越來越不清楚

我知道我會後悔，但我改變不了其他人

也說服不了自己

究竟，如何才可以改變現況？

物質生活

1)想買涼鞋同返工鞋,仲有便鞋

千辛萬苦(因為天氣太熱了,真的溶掉),終於在大角咀找到這間有很多jelly beans款式的鞋舖,看中了一對,但沒有我的碼,朋友仔也試了很多對,哈哈,但都沒有稱心的,也好,可以慳番點

2)已找了N間舖頭,大家都在為我搜尋,但我相信,3號款已售罄

最近還發現了這個網址,http://www.rilakkuma.com.hk   真的糟糕

3)朋友仔為我送來一盒jenny bakery的曲奇餅

現在分店多了,不用勞師動眾的往赤柱買,方便很多,謝謝朋友仔很有心,

今次還是頭一次吃4個Mix,以前都是買8種味,今次沒有朱古力,換來最傳統的牛油曲奇,也不錯,對的,我應該少吃點朱古力

打邊邊

我去左呢間出名食米皇粥鍋的＂煮館＂打邊邊，想試好耐了

佢有三種鍋可以揀，包括蟹、肥牛或元貝，我揀左肥牛做主菜

配料好豐富，有蝦、蜆、雞、豬、手打墨魚滑、魚片、丸，年糕，粟米、菜等等….全部都很新鮮

 

再加18蚊點了鴛鴦牛肉

 

有蕃茄魚湯或米皇粥揀,一場來到,梗係試最出名的粥底

 

粥的配料有很多,最左手邊白色的東西是牛乳,放在粥內很攪鬼,食完所有餸,記住要食個粥,因為佢已經吸引哂d鮮味,成碗粥水超甜!!

佢呢度仲可以預訂蟶子、瀨尿蝦等海鮮,好似話唔太貴

我下次要試下個蟹煲,相信個粥會更鮮甜!!

 

生日一聚

一年一度的飯聚又來了，昨天跟C太太去了韓屋吃晚飯(終於都打破慣例,唔去食日本野了)

很喜歡那間”廂房”,很私隱,只可惜總覺有隻蚊滋係度………..

雖然只有短短兩小時，但好像談了很多

今天在巴士上再想起C太太的說話，感觸良多，少不免又有點熱淚盈眶

（哈哈，超感性的我）

有時候總覺得很洩氣，人也很重

但原來我身邊的朋友仔都很縱容我

甚至是有點縱壞

雖然是知其不可為而為之，

但大家都很＂惻隱＂地，姑息我

我實在慶幸我的朋友們都是大好人呢！

 

 

結束la

收到了最後的成績單

有一支小火箭

都幾開心架,人生無幾可嘛

隨著讀完最後呢一科,我呢個碩士課程都結束了!

開頭諗住讀兩年好似好耐,但原來時間可以過得好快,好似發左場夢咁

放工之後要返學真係幾辛苦,最重要係車程好遠,真係要好有耐力先得

有兩個學期都係一星期返三晚,個時真係超累

好多時係堂上我都差唔多訓著咁滯

不過,終於都攪掂la,雖然過程有點兒戲咁,但總算完成一個小使命。

o黎緊又要開展一個新任務,自問比讀呢個課程嘔電十倍,

我要加加油了!