生活點子

草草地完成了這份assignment和求其prepare了那個presentation的大綱，呢個sem好唔進取

跟朋友仔去宵夜，近年真的很少了

最近我瘋狂愛上奶醬多，肥死啦，那杯是檸檬柑桔

朋友仔的米線和檸檬薏米水

能跟朋友聊聊天，真是很開心的事

最近在公司都很疲憊，我成日會屈到病，又唔見了四百元

對我來說，工作辛苦點沒有問題，最令我嘔心的是人事角力

真的會摧毀心靈

但最近在公司竟遇到一件令我很心甜的事

這種心甜大家可不用想歪了

我只是覺得別人的幾句說話已令我覺得自己並不太孤單

那種支持與諒解令我忽然覺得自己的存在也不是太丟人現眼

我想是甚麼久旱遇甘露的一種體會吧

其實，我也是很簡單的

只是想大家生活都可以容易點，開心點

真的謝謝他們

謝謝朋友仔為我’撈’回這三隻很可愛的公仔，一隻啡色，一隻白色鬆弛熊和一隻小企鵝，Ok換購價$68(其實半個月前已換到了，不過一直唔記得post），我知道有得換，即刻問了幾間，都無呀，仲要俾店員暗寸，第一天一出已經換哂la，點解咁遲呀

好開心終歸都換到牠們

聖誕東京之旅Day3-Part 3

shopping完，都夜la,隻腳同個膊頭都唔屬於自己咁，那時我想六時許吧，本來要出發今天最後一個景點，大江戶溫泉物語，但領隊話橫點咁近，不如去埋富士電視台

我一聽到就好驚la（哈哈，而家先夠膽講），因為我隻腳已經想斷咁，大家諗下，我地已經shop左成日la,你知啦，仲要孭住一袋二袋，身邊有無個猛男幫下手，好鬼攰架la

其實之前都有講過有時間才去，呢個景點係無落簿架（行程表無寫架），所以．．．．

不過，既然一場來到，又好似好近咁，領隊又要話事權．．．．

我地最後都係出發啦

有個音樂表演，唔知邊個唱緊歌，但周圍好有節日氣氛

去左球體展望室，俯瞰東京市夜景，不過我真係好攰，腳又痛，都無咩心情看，哈哈

好多相都有我地個靚樣（攰極都要影），post 唔到tim

親眼望會靚d,　佢真係叫做幸福摩天輪架

時間真係唔早，我地要出發去大江戶溫泉物語la，看地圖真係有點奇怪，我地由電視台行去搭接駁巴士呢段路比較難搵，不過我地好勁呀，摸黑之下，穿梭那些高速公路之後就搵到，大約十五分鐘吧，可惜剛剛走了一班車，要多等二十分鐘，所以唯有匿係附近個地鐵站取暖。

這接駁巴士係專for 大江戶溫泉物語客戶使用，免費的

好多款式的浴衣選擇

大家都話好似日本女鬼，我一d都唔覺！！！

呢個背影好點吧

呢度收費算便宜，約二百元港紙，可以淋足同浸溫泉，怕醜的我們只玩了淋足，好舒服呀，石春路攪到我地鬼殺咁嘈，領隊同C小姐仲俾幾個韓國人’調戲’，哈哈哈，我同S小姐仲袖手旁觀tim

但唔知係咪我皮膚太容易敏感，返到酒店隻腳起哂粒粒，返到香港先開始散，團友們就無事wor

玩完淋足，我地去食飯la,唔著鞋係餐廳行來行去，好得意，著住件浴衣係度食飯仲攪鬼，大家不約而同選了蟹肉飯作為聖誕大餐，不過因為怕整濕部相機，所以由浸開始之後就無放相機係身，所以無相看了。

打道回府la,　等車期間發生了一段小插曲，好攪笑，但也不便透露了

咁多行李，你話係咪攰到極點？

anyway，這個真係一個很愉快的聖誕節呀，謝謝領隊和團友們！

聖誕東京之旅Day3-Part 2

繼續淺草的旅程

行得咁上下，就到左寺廟了

其實唔知做咩，不過我地都跟人去做

研究了一會，究竟最後有無求到籤呢？？

我俾成班團友催促呀,因為買左船飛，要趕船去台場la，最後都無買到草餅呀

好cyber呀　雖然我成日叫佢做Yumiko，但我真係知佢個名係 Himiko呀，佢係一艘科幻觀光船，以銀河鐵路999做藍本，成艘船就好似一間玻璃屋咁，由淺草去台場，需時１小時

研究下航道先

小小的人之前一晚失眠（玩到咁攰都可以訓唔著），應該係我一出門就會失眠，搭車都訓唔到架，不過係呢駕Yumkio，我竟然訓著了，不過好似訓唔夠十分鐘，領隊好殘忍咁叫我起身，因為到達台場la

行完沙灘，要去shopping la

台場小香港，簡直醜化我們香港，把幾火，大家唔好去呀

係台場d商場，我再一次經歷幾乎熱死的感覺，真係好熱架，我地一來己買了很多東西，又要拿住件羽絨，又著住件冷衫，又要shopping，真係熱到我溶咁滯

不過，裡面有好多得意野買，一定要行架！

竟然找到旺卡朱古力！！！大家有無看過朱古力獎門人？？有就知我講咩la

彩虹橋呀

極靚的聖誕樹

天都黑la,你班人仲唔返酒店？？

聖誕節，呢班人梗係仲有下場la

欲知後事如何，且等Part3 分解

聖誕東京之旅Day3-Part1

遊完箱根，行程去到第三天，

今天的領隊係K小姐，係佢悉心’部署下’，呢日o既行程可以用超級頻密來形容，我想五天行程裡，今天絕對係最累的一天（至少我覺得自己隻腳唔再屬於自己咁），大家看看就明白了，起行la!

Morning call依然好早，但最終都係攪到成九點先出發，但我覺得大家都好有魄力了

先乘JR去到第一站，上野

有謂糧草先行嘛，食係一天的開始，我們選了在一間咖啡室享用了一個優閒的早餐，杯熱朱好好味呀

某食店門口，d假麵真係會一上一下咁郁的

好多野買架

呢位伯伯好日本feel

好多長腳蟹，好想食呀

shop 了一陣，我地去了二木菓子店，呢間野係呢度手信店的大阿哥，買食的手信一定要係呢度，我地其實都掃左好多貨，但現在再回想，係呢度實在買得太少，因為佢o既價錢係比較實惠的。

雖然買左好似唔多，但我地已經一袋二袋，連背包都塞得滿滿的，真係大煲，我地仲要行成日呀（因為不走回頭路，所以唔可以租locker呀）

受到領隊o既催促，我地要去第二個景點la，今次我地唔踏JR，改乘Tokyo Metro去淺草。

淺草派出所

要去搵野食la

搵到一間地下舖，要除鞋才可內進，好有日本feel，小小的人認為呢間淺草食店係成個行程吃過味道最好，最抵的一餐。

我呢個餐又飯又烏冬，超值又好味

團友們的定食也很不俗

大家都常見的淺草大街

d野好貴靚，但幾貴

大家都太忍手了

應該係燈籠，C小姐話自己好有攝影師風格