網友話呢間酒店的早餐麻麻,但我地幾個都覺得唔錯呢
食飽飽，我地就步行去Big C，大概十分鐘路程啦，今次就無行錯路了，根據旅遊書所講，係曼谷唱錢最抵就去Super Rich，Big C後面（往水門街方向）的小巷會有兩三間分店，我地＂幾經辛苦＂都搵到了，不過我地發現係Big C地下個層都有一間架，兌換一樣，下次唔洗係街唱了，係商場舒舒服服有冷氣唱咪仲好。
其中一間super rich
唱完錢，我地就開始全日shopping之旅，先在Zen and Central Word閒逛，當然唔少得係去NaRaYa去掃貨啦
買完野都差唔多兩點了，我地就步行去水門街搵好出名o既海南雞飯，我地今次都唔錯，跟住指示行左20分鐘就搵到，不過天氣真係太熱，間野又無冷氣，真係食到身水身汗架
約6蚊港紙一碟， 連唔太鐘意食雞的我都覺得好好味，個飯仲正！超抵超好食，一級推介（不過真係要抵得熱，但好似我地咁，叫汽水解渴啦，呢餐每人加埋都唔洗10蚊，掂！）
大家記唔記得celia一落機就爛左個鎖，估唔到我地去旅遊都要去埋五金舖。
我地個package 送左每人一張BTS day pass，咁點都要用下架。點知由水門行番去Chi Lom站，竟然用左半小時！！！我覺得好要命，因為真係好熱，又一袋二袋咁，攪到我成身濕哂，我矢志跟住咩都搭番的士la，哈哈，團友們都好贊成。
勁塞車
)