今日又好早呀，我地終於可以行出去露台欣賞下附近景色，好鬼凍，但好靚呀！
早餐同昨天沒有分別，食飽飽就出發。
我地將行李放係酒店架車，等酒店員工幫我地將行李先送去車站，我地就慢慢行去車站。
搭番兩日前所搭的登山火車，離開Zermatt，落番山腳了。
上番架大旅遊巴，我地出發前往位於阿爾卑斯山山腰的利德阿爾卑(Reideralp)，我地今日要去睇被聯合國列入世界文化遺產o既阿萊奇冰川(Aletsch Glacier)。
呢個地方旅遊車不可以直達，要乘吊車上去的，所以我地之前一晚就執了個手提行李袋，作今晚之用，大件行李喼只能留係山腳的旅遊車了。
去到吊車站了！出發去Reideralp! 估下邊個係領隊？
呢程纜車其實好似海洋公園個隻，十五分鐘便可以去到Reideralp。呢度大概有海拔五、六千呎。（大概吧，已經唔係大記得）
去到Reideralp，本來我地諗住再乘吊車上冰川，點知佢竟然話吊車站未開，上午十一點幾都未開？瑞士人真的很可愛！（其實瑞士真的很好，我發覺我地去好多地方都無咩人……有時覺得我地團人可以包左個雪山咁，……之前係Gornergrat已經有呢個感覺，好誇，一陣仲誇……）
酒店又有員工幫我地車小行李番酒店先。
咁無辦法，我地唯有係附近閒逛，其實Reideralp比Zermatt更寧靜，這裡得一間超市同…………民居…………..我地就出發去超市買零食先，跟住先去酒店check in,今晚就係住係山腰
沿路小屋
我地住的酒店Art Furrer
我好鐘意行去酒店呢段路，好似一幅畫咁
係勁鐘意，要放兩張
呢間酒店環境其實好靚，房也不俗（我地去過團友的房，好雅緻，好舒適），但我就唔太鐘意自己間房，其實我地被安排住一間套房，比其他團友大，亦因為佢大，我覺得間格有點怪，最主要主人房有兩張床，但我地張加床就加左係大廳到，分得好遠，而呢度又真係好郊區，總之………我就唔太鐘意了（我覺得俾番間細房我地已經ok，嘻，真係麻煩）
其實露台外的景色好得！
主人房幾靚，但貼近窗，夜晚覺得份外凍，好彩有暖爐！
大廳加了張床，跟主人房有著距離
呢度另一驚喜地方，就係有wifi!!!真係好開心，平時番到酒店有得上網已經係夜晚，香港那邊通常係凌晨三點幾，今日咁啱我地下午就來到酒店，香港都係晚上七點幾，大好了，因為今日係小小兒甥女生日，我即刻打番香港同佢講生日快樂！哈哈，佢以為我番左香港了，真係傻豬豬！聽得出佢好開心呀！
午膳係酒店到食，藍精靈餐廳，好得意。領隊話我地包左間酒店，老闆特登為我地開wor，無其他人入住了，真係汗顏。
今日食魚
食飽飽，我地準備行番出去車站，乘吊車上冰川了！
