結束la

收到了最後的成績單

有一支小火箭

都幾開心架,人生無幾可嘛

隨著讀完最後呢一科,我呢個碩士課程都結束了!

開頭諗住讀兩年好似好耐,但原來時間可以過得好快,好似發左場夢咁

放工之後要返學真係幾辛苦,最重要係車程好遠,真係要好有耐力先得

有兩個學期都係一星期返三晚,個時真係超累

好多時係堂上我都差唔多訓著咁滯

不過,終於都攪掂la,雖然過程有點兒戲咁,但總算完成一個小使命。

o黎緊又要開展一個新任務,自問比讀呢個課程嘔電十倍,

我要加加油了!

嚇破膽

完成了一半paper突然失蹤

我第一個感覺就是死

第二個感覺就是想殺左部電腦

待我考完試

我會買過部新!(無錯,雖然只係換左半年)

好彩,臨危時朋友仔又救我一命!!

幫我搵番部份殘骸!

好過無

真係苦中一點甜

真的很感謝他!!!

刻下,又有一種重頭上路的感覺……………….

高效率

為左提升效率(屋企太多引誘，返學校路途又太遠）

我唯有將自己封鎖係一個最討厭的地方

昨天放工後，我就將自己封鎖係office接近五小時

超難頂，

但果然奏效

不過，都真係太嘔電

可一不可再了

進度

這兩天嘔了2000字,真的是嘔

但都算達標了,

我要加把勁了

希望可以提前放監

戰鬥中2

我用意志,讓自己好番了兩天(為咗玩,有咩係唔得??)

今天再做功課,一做又頭暈

我已分不清究竟這是病魔,還是我自己的心魔??

好了兩天,竟又可番病了(咁都得??)

(我不想再請病假,不是我這樣事業心,而是我真的頂佢地唔順,催命似的)

好明顯,我又回到現實,無哂鬥志吧

重頭上路(我不禁想起這句歌詞)

無論如何,今日一定要完成

summer term

轉眼我的summer term已過了一半,

還有三個星期便要交term paper,

係paper以前還要再交一份功課

我太lazy了

早幾天跟同學仔去圖書館找書

我們來遲了

無咩野借到

沒有頭緒呀

點樣嘔一條題目出來呢

無止境的

仍在sit 堂………..

無止境的等待及登入登出………(極度無謂)

連讀書也這樣的不踏實

很磨人呢

成績單

昨天收到成績單了，

N年沒收過成績單，感覺很”新鮮”

一科預計會較好的，比想像中差

另兩科預計會較差的，卻比想像中好

但最攪笑是，三科都是同一個grade，好難做到啊

所以說，付出多寡與收成往往不成正比的

今個sem又報了三科，仲要全部係weekday

好明顯我沒有汲取十一、二月的教訓

而且同學說我今次揀的都是很”主觀”的科，好難取得高分（佢地真係好認真）

但其實到了我這個年紀，求學真的不是求分數！（但當然要畢到業）

最緊要是自己喜歡的科目吧

朋友仔說得對，我現在是兼職讀吧，也不要過份緊張，

要好好享受讀書的樂趣（希望遲多兩個月我仍然會咁講）

埋單

終於都完成了今個sem所有presentation，有一種吁了口氣的感覺

起碼當太多野都未完成時，心情難免很著急。

呢兩日要同份paper“埋單”，唔想拖太耐了，好懨悶

仲有一份paper12號交，但題目都未有．．．．．．

下周一還要考試．．．．．．

 

但好快就完啦呢個sem

 

希望私務會快點有好消息．．．．．．

NO EXCUSE

我係憤怒自己太慢

我實在容許唔到自己可以同佢”糾纏”咁耐

今日我要完成3000字!(講住先)

昨天已有半班同學交了(老師話佢地準時交,考慮要酌情加分)

淨番半班即係包括我,就唔該唔好再遲………………

有謂一日不做事,一日不吃飯(其實句野好似唔係咁寫,但我要呢個意思)

我當然做唔到

所以：一日不做完，一日不吃朱古力！！！

今晚再總結！

謝

謝謝阿樹同阿cat,雪中送炭

阿樹替我上了急救班,可惜名師出不了高徒,雖然最後都是死傷慘重（真係始料不及）,但我已經獲益良多,(仲要幫我撈番本書,真係好感激)

謝謝阿cat將珍貴的資料交予我,替我節省了很多時間,最起碼知道不會離題,現在已不是太太太擔心(查實都好擔心)

知道兩位都在百忙中幫我，真的很感激（我真係由衷的，不是誇張）

未來十四天內要完成：兩個presentation,一次quiz同一份term paper（八千字，一粒字都未寫過）

有可能嗎？

今天收到組長四個sms 同三個email,真係人都顛，本來諗住要整好個ppt,但因為佢仲不停改緊，所以我都唔鬼理佢，整住第二科d野，不過，過埋星期四，我同組長都可以獲得解脫（相信佢對住我同另一位同學都想嘔血）

圖書

 

今天睡得很晚，起身時覺得塊臉好像細了點，一磅之下，竟然瘦左兩磅！！！（唔好意思，大家有所不知，呢幾年要我唔肥已經好難，說減磅更是天方夜潭，所以我好振奮，都不枉我吃了差不多3個月的麥皮）

飲完茶就去了中央找書，我已經N年無入過呢間圖書館，感覺得陌生，又唔知一張圖書証可以借幾多本書，又唔知人地開放時間……

勁樣衰

係搵書o既過程，我才驚覺自己好大穫，明天就要“死”出題目，我仍然是茫無頭緒，點算呢？

回家途中，自覺孭著一個重擔子，但經過東海堂，又忍不住買了兩件cake與母親分享，當獎勵自己瘦了兩磅（好明顯癡左線）

現在，我很眼睏，那些書本都催眠人的，但我仍然想不到，真係超大穫，都係聽日再算

小結

隨著今天完成這個quiz後，星期一這科的所有大課已完結了（這科有點特別，頭八周全是大課，之後才上tutorial），有些少唔捨得，因為三科之中呢科比較好玩，老師又講得好．．．不過下周開始就上tutorial，但我今次d組員比較正常，應該ok的

世紀presentation

大家都知道詳情了(在此也不細表)

我總是會在不適當的時候遇上不合適的人

為左呢個presentation,我跟組員都死了很多細胞,

所得分數好彩(也不知是喜是憂)亦如她所願(如果唔係我同組員都死梗)

下一次,相信佢將會更顛

 

昨天的quiz都ok過關了,呢兩天腦海都不停係到拆字,

好明顯,我跟蘇老師一個係業餘一個係專業,

過埋今日我又唔識拆了

 

攪掂呢兩單野我話過要食餐好的,仲未食呀!

太認真

早幾天跟同學傾present傾到十一點幾（其實之前已傾了兩、三次，仲要唔計係電郵上的溝通）

一所大學去到熄燈同俾sercuity驅趕我覺得好嚴重

最主要係，實在無咁o既需要

救命

呢幾天都係糾纏緊呢件事，我好懷疑自己係咪做緊畢業論文

而呢件事亦一路會蔓延至十一月中……(因為要pre兩次)

我覺得最hea最有把握的一科,霎時變得最困擾…………

今個星期要present同測驗……….

我矢志攪掂後到吃一頓好的(好似無咩關係……….)

組員已打聽到組長下個sem take咩科,叫我千祈唔好take,

我就話,經過呢一次佢都不屑同我地一組……………

因為,我地實在太”膚淺”

繼續努力

明天要交一份assignment同draft好presentation的稿俾組長,這兩天都跟它們苦拼,終於完工了

兩個quiz的成績都有了,有信心那科成績比預期差,令我很頭痕的那科(幾乎要找S小姐替我幕後代考)卻又ok過關wor,我想,真的要加把勁了。

抽籤結果出了,不差的也抽不出來呀,所有東西都迫在十一月,偏偏十一月一天公眾假也沒有……….