奇妙之旅

當我又問朋友仔借AP時，哈哈，大家又話我，去廸士尼食buffet食上癮

哈哈，都係一年一次，搵個借口玩番半日啫，當係行下食下野，感受下廸士尼歡欣

o既氣氛

今次其實係替我二姐補祝生日，出師有名架（次次都有架啦）

仍然情繫蝦餃

今次走去陪沙律玩米奇迷宮…………..熱到暈！！！

最愛飲茶

其實我真係幾鐘意飲茶

一盅兩件,真係唔錯

今次去左鴻星

蛋煎糯米雞

呢度可以自選件數,很好!!

雲吞菜膽煲

小肥豬,是麻蓉包

去左火車頭越南餐廳,好食,但頗貴

蒸粉卷,好吃

雜菜煲

清湯浸蜆,好好吃

 蕃茄湯牛腩麵

久違了的朗豪坊

近年來都很怕去旺角，因為實在太多多多人了，真係好窒息的感覺，所以連朗豪坊也少去了，上兩星期跟朋友仔在那裡吃飯，飯後還在商場逛了一陣子，那條天國的階梯，哈哈，真的很久也沒踏上了

去朗豪坊最常去的都是italian tomato

女人什麼心情都最愛蛋糕！

閒逛那天的前一個晚上，我在唱機前聽著很久的歌曲＂他約我去廸士尼＂，

好驚呀，第二天晚上我在朗豪坊便見到她！

 她仍然唱著這首首本名曲！

Who is the next hello kitty @九展

小沙律好鐘意阿kit,所以帶佢去hello kitty 展到玩

買票處

入口,等五分鐘就可進場

其實佢分10個stage,都係做下動作,跳下,唱下歌.扮下鬼臉就過關,不過就唔多啱我呢d超齡人士玩喇,哈哈

 

我地當然順利過關,做女皇繼承人啦!:)

走出陰霾

這幾個星期真有太多bad news

有屬於我們香港人的,有屬於我身邊的人,也有屬於自己的

希望大家都要振作,不要再so sad(朋友仔說,如果我再講呢個字,就要請食飯)

處於珍妃井口的我,要好好跨越這一關,這是前任老闆的叮囑,也正如L說,真的緣份已盡,要認了

係呢段so X的日子,夜夜聽著容祖兒的”破相”,本來歌詞與這一切都沒有太大關係,不過呢首歌實在太灰,次次聽都會recall番這些回憶,真的不得了

今晚跟兩位朋友仔吃了一頓豐富的晚飯,是本週最輕鬆的一刻

平平安安,健健康康,是最大的幸福

SSSSSSSSSSoSAD2

生命可以很脆弱

SSSSSSSSSSoSAD

剛聽到一個故事

徹夜難眠

偶爾找來了一首舊歌,聽了很多遍

已分不清是懷念這首歌,這齣戲,還是昔日情懷…..

假如真的再有約會

人清醒　難感性　迷失方能找到期待愛情
夢中見　亦高興　能將心靈希冀盡說明
誰決定　人本性　或許生命中有埋沒姓名
純真愛　難記認　人間本來應該是有情

望這不再熟識破落故城
何以變了這樣寧靜　長街失去歡欣笑聲
留下我孤單的一個生命
疑望這風雪　未知那日會停
來世你我要是重認　能否找到彼此背影
假如全無憑無証

原諒我當天不懂得珍惜
只知任性　壞事情
唯願你此刻可於虛空中　將心聆聽
將來若　真的再有個約會會完成
真的會再有這樣深情
我以天為証　跟你帶領

我以天為証  請你帶領

生活雜記

1)想不到八月還有生日飯吃,畢竟到過了一整個月,一行四人來到The One的金牌小龍,網上好評如潮,我們足足等了一小時,等位期間還見到大劉與甘比等人……….(巡視業務吧),雖然苦等了一小時,但味道一般,價錢又太貴,四個人竟然要點十二道菜才夠飽,再不會去試呢

2)跟朋友仔們慶祝生日,去了都會海逸吃Tea buffet和意粉360，前者的buffet比JW好，後者的燒春雞值得推介！

3)去了看inception,的確好看,大家對結局有很多疑惑,哈哈,其實這也很好,大家可以自己決定結果吧,只是看這類戲時,真的一步也不能走開

4)收到遲來的生日禮物,是鬆弛熊的床單!好開心!!!

重頭上路

跟他密談了四十五分鐘,哈哈,真的是”密談”

那種重頭上路的感覺油然而生

這個星期有點不踏實

怎麼我總是跟著你的路走

無論是那一方面…………..

我在沙巴樹上看風景:新手篇

今次旅行以hea and relax為主，有諗過日日留係酒店到玩，所以揀左偏離市區的Nexus，住resort同住酒店好唔同，真係wild好多，我地甚至連遊遊天書都無睇，就咁就上機，哈哈。不過出發前，都有係網上找資料，睇左好多blog，原來真係有好多得著，所以我都寫番d資料，等一眾沙巴新手參考下先

酒店篇

其實係市中心有好多五星的酒店，起居飲食都比較方便，房間間隔亦會modern d，不過其實去得沙巴呢d陽光與海灘o既地方，都好想親近大自然，所以住resort真係唔錯的選擇。個人認為Nexus很漂亮，但酒店設計較為舊式，如果要住，就最好住ocean wing同villa，因為Nexus是一間唔太新o既度假村，住garden view相信當中的設備會更舊。

基本上留起Nexus住番幾日都無問題，有私人沙灘，有個lagoon park,又可以做下spa(不過呢度o既spa唔平架，30分鐘腳底按摩要200蚊港紙)，如果純粹去hea,玩足五天都可以

另外是交通問題，Nexus去市區有成45分鐘至1小時的車程，出入都會預多些時間，大家要考慮了。　

好多人話一落酒店大堂就有好多Local tour向你招徠，價錢仲會平些，所以唔洗係香港報定名，但我想講係Nexus係唔會有囉，千祈唔好咁老定呀！

飲食篇

係沙巴最出名莫過於海南雞飯、肉骨茶同海鮮。

雞飯我試過，也不俗的，但要留意佢開舖時間，有些好早收檔的，有些又好晏開檔。

海鮮最出名係海皇同不夜天，我地選了平民化的珍珠，都唔錯的，可以一試！

住係Nexus的朋友唔想出城，可以考慮去佳楊或沙律，的士車程約15分鐘，不過好似都係夜晚10點就收檔，唔好咁晏去呀！



浮潛篇

成個旅程我最擔心係浮潛，因為始終唔熟水性，又未試過係大海到漂浮，所以一直都好驚，但原來：

1)      同事說，去兩個M字頭的島（雙島遊）是在近岸玩的，要穿鞋落水，淺水區已有好多魚，當然，因為人又多，水上活動又多，破壞自然多，自然無美人魚島咁靚了。

2)      去美人魚島，要在海中央浮潛的，約有幾米深，我參加的Local tour是完美假期攪的（但through永安買），教練都好好，會跟住我地唔識游水的人，所以都唔洗太擔心安全。因為我始終唔太熟識係水裡呼吸（所以永遠都係游幾下就唔夠氣囉），所以無用到snorkel（因為要口吸口呼），我費時越攪越亂，所以就咁＂微水＂就算，原來都work ga,　不過就攰d啦



交通篇

在沙巴不會找到巴士，主要交通工具就係租車或者的士，的士係唔用咪錶，要議價，小心一點好，尤其是在市中心的的士司機…….感覺有點….叫酒店幫你call taxi會貴點，但就好像安全些



手信篇

基本上呢度唔會有野你係想買

唯一我覺得ok的是

Simply chocolate：手造朱古力，很好味，仲有佢的拉茶，咖啡也不俗

人人話機場急凍海鮮正，我就無咩特別感覺，無野買，都可以買下o既

沙巴消費一點也不便宜，甚至貴過香港咁，千祈唔好諗住會買到平野！



必備品

蚊貼：呢樣野你無可能唔帶，我係一個超惹蚊的人，基本上係一個救全家個種，係我身邊你會好安全，所以我呢幾日係沙巴，貼到成身都係，酒店因為係郊區，我連房都貼埋，焗到朋友仔想死，哈哈。個人認為紅樹林同大排檔係最多蚊的地方，我個日成身貼了六個蚊貼同一條蚊帶先幸保不失！

防曬：誠意推介 Anessa，超級掂，雖然佢好難清洗，真係用埋卸妝油都攪唔掂，但我真係曬左成日都無黑到（反而返到香港仲曬黑），無人信我去過沙巴，哈哈哈

鞋：強烈建議著涼鞋、拖鞋或膠鞋去，因為佢成日落雨，著波鞋會好麻煩。



沙巴六至八月會進入雨季，當地係呢個時候不是放暑假，是放雨假，哈哈，都係個句，天氣o既野好難預測，安排節目時，最好要有兩手準備了。