憤－悲

今天香港傳遞聖火，萬眾歡騰，我d同事話不如今日一齊扮福娃（其實只係大家著5種顏色o既衫），而佢地assign左橙色俾我（明玩野），不過最後都無人著（好彩無聽佢地講）

雖然呢排好似好和平盛世咁，但我一攤開份報紙，就覺得好心碎（係咁誇架la)

好似尋日o既大車禍，係電視機見到個男人喊到崩潰咁，真係人間慘劇。因為一個人o既疏忽而釀成咁大o既悲劇，坐幾多年監都無用。

有d人因為一時疏忽，有d人就因為權力o既慾望摧毀好多人o既一生。呢幾天我都有看關於奧地利有個獸父（下稱禽獸）禁錮虐姦親女24年的報道。我第一次看時覺得很憤怒，亦唔想相信文明世界原來仲有咁恐怖、野蠻o既行為，亦唔明呢隻禽獸究竟係真顛定假顛，我覺得佢死幾多次都無用。今日報道又說，原來這名女兒這24年來雖然受盡屈辱，不見天日（我不能想像佢有幾痛苦），但佢對幾名子女卻隻字不提她那慘痛的經歷，沒有告訴子女她們是被禁錮（這幾名子女是與禽獸所生，亦都是不見天日），這是最偉大的母愛！她獨自承受了最大的痛苦，24年來沒有人與她分擔過，我不懂用文字去形容她究竟會有多寂寞與悲痛，這些，又豈是別人所能明白？

雖然遠在他國，但看了這報道覺得很鬱悶，雖然不認識，但我會祝福她們能早日重過新生，而那隻禽獸，唉，都七十多歲，判他終身監獄其實都係浪費納稅人d錢，最好用滿清十大酷刑，然後鞭屍示眾。不過，據了解，就算入哂佢所有罪，佢高刑罰都不過是坐二十年監