快閃大欖涌水塘

第四波疫情又爆, 打亂了十二月行山計劃~ 只好又變陣, 逛逛一些附近的山, 當散下心也好

屯門牛最愛大欖郊野公園，但大棠及清景台一帶人滿之患，我還是避走較次熱的大欖涌水塘～ 

由大欖涌村出發, 風景已不錯

 很快看見美美的雲, 這天不停嚷著雲很美

初登鳯頂遇雲海記 - 幸運的我們

朋友仔好想去蚺蛇尖, 咁就決定還你心願啦 (雖然我好想去長咀)

請左假, 但溫度突然又爬升至三十度, 好辛苦啫, 而且又來莫名的腹痛(唔知點解永遠請假去玩就會痛) 天氣與狀態皆不似預期，最終在出發前的一晚, 才臨時放棄準備多時的蚋蛇尖，而因為上次敗走四方山, 咁就決定轉行較“輕鬆”的鳳凰山，順道再續芒草未了緣。

鳯頂高海拔934米 ，是香港第二高的山峰。但由於最高的大帽山山頂被劃爲禁區，鳳頂可以說是香港可以去到的最高點。

先吃過早餐, 好多人啊, 東涌都迫滿去郊遊的人, 去到車站見到長長的人龍, 明明是閒日啊, 希望大家都去大東山, 而不是迫上鳯凰山吧

天下何處無芒草之敗走四方山

說了多年的大東山賞芒之旅，原打算今秋起行，奈何塞山情況嚴重，唯有轉移陣地，最終相中位於大帽山旁的四方山，打算一圓隊友的芒草夢~

呢日天氣突然又回升番，有廿六七度, 亦無損雅興，憧憬著可登上香港第1高峰大帽山和第4高的四方山，又可欣賞金光閃閃的芒草、像是八陣圖的怪石陣、還有棲息在大草原上的牛群，實在是令人期待～

都係飲個早茶先

 

2020年三訪洪水坑水塘

 朋友仔想去郊遊, 踫上公眾假，志在呼吸下新鮮空氣，唔想迫，還是找回冷門一點的洪水坑

呢個水塘係屯門牛既理想秘世勝景，今年第三次去喇，勝在難度低，人流少，但風景一點也不遜色的～

從鍾屋村出發，可以直接前往洪水坑的非官方山徑，

呢個位會有狗, 只會吠吠你, 沒有惡意, 第三次來自然有哂心理準備

小小的人在獅子山上看深愛的你

期待已久的初秋山系啟步禮，無郁咁耐，要warm up下，本身打算行西貢，但因為一路唔太舒服，退而求其次, 揀左個近近地而又係我最縈牽既故鄉～

出發前一直好腹痛，食左成個禮拜止痛藥，沒有太大改善, 朋友仔話不如改去郊遊，我好唔想啊，因為已經請左假，等左半年才可以去行，但身體狀況告知你唔可以，也沒有辦法，咁我就話，明明都已經不行西貢，行市區既山應該ok吧, 不如當天才決定啦,真係好唔掂才去離島逛吧（死心不息對行山卻是十分鍾愛啊）

我們先係黃大仙飲個茶, 然後啪左粒止痛藥, 感恩呢日腹痛有點緩減, 自覺應該可以應付, 就決定如期起行~~(行市區, 而且路途短, 中途退出比較容易, 如果行長途的應該唔太掂了)

 

昂坪半天遊

呢次係我第四次乘搭昂坪纜車，第一次同朋友仔在極大霧的傍晚，甚麼也看不到，第二次是因為工作同老細一齊坐，不提也罷，第三次也是因為工作，不過係自己一人去。

終於，呢次係我同生命中最重要的三個女人一齊去，仲要遇上好天氣，好感恩，十月初天氣轉涼少少，郊遊太好了

吃過醒神早餐 

浮潛初體驗@西貢海下

一個月內二訪海下

天氣好像開始轉涼(明明中秋已過), 為了抓著夏天的尾巴, 我地決定再去多次玩艇同埋試下浮潛, 呢日係迎月夜!

飲個早茶先~呢間野之前限聚令無開, 而家開番, 但枱與枱之間用圍板或布隔開, 感覺好亂!

廸士尼酒店半天遊

廸士呢有三間酒店, 裡面的餐廳大部份也朝聖過, 就唯獨沒有去過晶荷軒, 原因當然因為覺得好貴, 雖然好有興趣, 但始終咁多年都沒有去試過

呢日趁住是姐的生日月,就決定一試, 雖然仍然係限聚令, 仍然有限時, 令人嘖嘖稱奇!

呢日其實好幾場暴雨, 好彩都係係我地在室內時發生~

可以任坐老鼠車,   再轉shuttle 去到酒店, 係堅抽多人, staycation吧, 我還遇到大學同學!

一入酒樓, 比我想像中噪(一直以為好中式, 好高檔, 好雅緻), 枱與枱好迫下, 近窗還好多, 內廳暗暗沉沉, 不喜歡

好彩book枱時已要求坐窗口, 職員也安排了一張半圓梳化給我們, 算係裡面較為開揚舒適的枱子

外面時晴時雨

 

公仔點心要預訂的, 看到樣子也開心, 不過味道只係ok

 

呢個炒飯好好味, 推

 

點心拼盤, 咸水角真係好味

 

呢個腸粉有少少失望

 

預訂的蛋糕, 希望你身體健康, 開開心心 (姐怕羞, 所以也吩咐店員不用唱歌)

 

總計四人吃了千五元左右, 堅係貴, 不過你開心就好了

而服務亦很到位, 是慶生好地方~

決定行出去地鐵站, 好彩下完大雨, 沒有太陽, 可以除下口罩, 透透氣, 輕鬆閒遊一番。

有誰共鳴

 可會知，我心裡困倦滿腔，

夜闌靜，

問有誰共鳴?

答案，如初

海下獨木舟初體驗

自從18年7月後，呢兩年完全沒有同水玩遊戲了，為左重啟游水禮，大半年前還買了新的防哂泳衣，準備下水，點知又踫上疫情，一拖足足兩年了吧（明明是懶，這麼多借口）

好山不好水的我，對我從來是淆底，學了十幾年也沒有甚麼進步，對的，畏水的人，如何才可學好游泳呢？盲點也實在太多

呢一日卻不去游水，走左去爬獨木舟  ,原因係, 我的朋友仔好想去玩, 但無人陪, 講左好耐, 咁我捨命陪君子啦

由於我本身就興趣不大, 所以亦沒有做太大資料搜集, 最終朋友仔敲定左海下呢個地方

食個早餐先，

疫情下的八月天

疫情下，都無咩活動咁滯，連帶這裡都無咩好寫了，好啦，就講下八月係屯門既日子啦

八月天，熱至一個點，行不到山，疫情又不能游水，跳舞班又停了，身心都很懨悶，感覺身體囤積了很多毒素，咁都要出去郁下既

屯門人無咩好去，要有景有野食環境又衛生的，最容易想到就是黃金海岸

食下野，逛逛海灘外圍，由黃金行番去三聖，當郁下，全身濕透，就係八月天唯一可以舒展下既＂戶外＂活動

仍然係二人限聚，發現呢間茶記既衛生情況也令我感到可接受，所以都去左兩次，而性價比亦算高，西多好好味，餐價也是三十元！還有牛河，很不錯, 會繼續幫襯

2020小小的人生日篇

今年的生日在風雨飄搖下度過, Plan ABC也沒有用, 隨遇而安, 既來之則安之是要學好的生活態度~

疫症可惡, 人心的虛怯更好惡, 要努力學習平常心

很多慶祝的活動也泡湯, 但仍為自己好好打氣 (食我就最開心)

食呢度中菜是我喜歡的

這裡的燉湯最靠譜, 杏汁豬肺湯實在美味, 花膠燉響螺亦是不得了

2020初春收爐作: 恰似你的溫柔@牛耳石山

恰似你的溫柔@牛耳石山

根據早年經驗，大抵每年3月尾，我便會來個小收爐，到9或10月天氣輕微降溫才恢復行山活動~但今年去到4月還是捨不得收爐，行完一次又一次，但呢種天氣，真令人吃不消，始終都要歇歇吧，作為盛夏前的收爐作，行邊好呢？

經過小罾棚一役後(似乎是淆底了)，呢次選址更為小心，開頭有諗過行蠄渠石頂，但覺得仍是很辛苦（扯上西灣山還是有點陰影？），最後還是找些輕鬆點的路線，作為2020春天收爐之作吧～

因為我的時間掌控不好，往往要攪到很夜才下山，所以還是犧牲早上品茗既時間，寧願早些出發，所以呢日都係食個快快的早餐

2020最堅的旅途~罾棚角咀

My dream place @罾棚角咀

是咁的 – 兩年多前我已相中呢個地方 (真係講左好耐, 好像已是上一世紀的事)，在西灣山後一處了無人煙的岬角～罾棚角咀～然而因為一直解決不到由浪茄至浪茄仔的崎嶇路段，所以遲遲沒有起行～

呢個本來係今年初春重點試行既路段，出發日卻一改再改，心動不如行動, 你永遠很難找到一個100% prefect既時間, 這天雖頂著28度高溫，最終也決定出行吧！（不然又要多等至年底天涼的時候）

再訪洪水坑水塘

繼續係抗疫的時間, 附近的地點真係已行無可行(為避人潮要選擇冷門而易行更加唔容易) 呢日天氣又熱熱地(我竟著了長袖衫和外套, 錯!), 又係矢志伸展下, 所以決定去多次洪水坑水塘, 無錯, 兩個月內再訪~

不過今次我地唔係藍地出發, 改在鍾屋村起步, 叫做有點新路行下, 而且可以避開石礦場, 不用再走沙塵暴!

hea遊黃泥墩水塘

四月初, 繼續係抗疫既日子, 公眾假, 唔想去咁遠, 天氣又熱, 就近近地係屯門出發啦 (但要避開人潮真係難度極高)

吃過晨早早餐, 茶記奶茶確不俗

最長的旅途 - 我最掛念的分流

自從2018年初訪分流, 一直念念不忘, 呢段路係繼大浪西灣後, 我最愛的一條行山路線, 可惜之後小小的人生病了, 未敢再”挑戰”這條最長的旅途~ 但我對它的思念連朋友仔也頂不住, 哈哈, 養好身體, 今天終於再訪分流了

想起2018年初訪分流，靚景指數足與西貢大浪四灣媲美，有色澤層次分明的分流、荀石的車輛梅、閒靜的西灣漁村，還有二澳漫天星海，一直很是掛念。行山要講求天氣，身體狀態和運氣，上次去的時候，車輛梅還沒有盛開，一直希望可以看到荀石附近滿山是車輛梅的花海，而最近在其他地方行山時，發現有不少車輛梅的蹤跡，猜想應該已經到了花期？春天又似乎將盡，心動不如行動，就決定起行～咁最後我是否看到花海呢??

呢日天氣都幾熱下, 回升至23,4度, 所以短袖上陣!

因為迢長路遠, 要預好多時間, 所以九點已經要去到東涌!好早起身!

唔飲茶了, 去食個快既早餐!

大欖涌水塘至青龍頭半天遊

避疫下，山上都擠滿遊人～作為新界西人, 大欖涌水塘是最近最理想之選, 但它原已是行山熱點，可幸路線四通八達，條條大路通羅馬，只要慢慢揀，仍然可以找到風景好、唔難行而又唔多遊人既路線～我地今次又揀左咩呢

呢日係星期日, 我地係茶記食個邪惡早餐先, 奶茶很不錯吧