疫情下的八月天

疫情下，都無咩活動咁滯，連帶這裡都無咩好寫了，好啦，就講下八月係屯門既日子啦

八月天，熱至一個點，行不到山，疫情又不能游水，跳舞班又停了，身心都很懨悶，感覺身體囤積了很多毒素，咁都要出去郁下既

屯門人無咩好去，要有景有野食環境又衛生的，最容易想到就是黃金海岸

食下野，逛逛海灘外圍，由黃金行番去三聖，當郁下，全身濕透，就係八月天唯一可以舒展下既＂戶外＂活動

仍然係二人限聚，發現呢間茶記既衛生情況也令我感到可接受，所以都去左兩次，而性價比亦算高，西多好好味，餐價也是三十元！還有牛河，很不錯, 會繼續幫襯

 

 

最後去了酒店吃high tea，芒果主題，味道尚好，環境一流，朋友仔說好像去了芭提雅！身心放鬆！最緊要枱與枱之間有很大空間，食得放心！不過咁既經濟環境，佢收費都好進取，二人份要六百元，並沒有任何折扣（現時很多地方也做緊優惠呀）！令我有少少訝異吧！

試過行去海豚廣場，酷熱天氣下，不能下水的香港人在步道逛來逛去，真辛苦, 也是奇景！我亦行到身水身汗

再花接近一小時行返去三聖，當係做下小小運動！戴著口罩真係熱到暈！

但風景也實在是美~好風景, 其實抬頭就可見

九月天也去過一次茶記, 真係幾抵食, 西多實太強

另外，有一次同屋企人食lunch, 六個人分三張枱,極攪笑,咫尺天涯呀! 還有兒甥女親手做的泡芙山芝士蛋糕,好味呀, 錫哂你!

還有一天去了中大凱逸吃下午茶, 四個人又係分兩枱,但今次個距離比較近!  

 講埋九月初, 疫情終放緩, 朋友嚷著要去打邊邊, 咁就去啦, 但呢間性價比較低, 雖說養生湯作主打, 但感覺頗貴, 試過便算了(乾淨衛生也是真的)

講講下, 其實都食左好多好野, 唔肥就奇!

八月尾, 我開始重啟跑步計劃! 兩年了, 時間不會等人, 要為健康追番多些能量, 我怠惰了太久, 首兩個多星期跑左九次 (現在當然是一鼓作氣再而衰三而竭, 咩啫, 開始跳番舞, 唔算偷懶啫)! 雖然係慢跑同埋持久力很低, 不過萬事起頭難, 由一開始勁扯蝦, 到現在開始適應, 要繼續努力! 為備戰長咀而努力!!!