小小的人在獅子山上看深愛的你

期待已久的初秋山系啟步禮，無郁咁耐，要warm up下，本身打算行西貢，但因為一路唔太舒服，退而求其次, 揀左個近近地而又係我最縈牽既故鄉～

出發前一直好腹痛，食左成個禮拜止痛藥，沒有太大改善, 朋友仔話不如改去郊遊，我好唔想啊，因為已經請左假，等左半年才可以去行，但身體狀況告知你唔可以，也沒有辦法，咁我就話，明明都已經不行西貢，行市區既山應該ok吧, 不如當天才決定啦,真係好唔掂才去離島逛吧（死心不息對行山卻是十分鍾愛啊）

我們先係黃大仙飲個茶, 然後啪左粒止痛藥, 感恩呢日腹痛有點緩減, 自覺應該可以應付, 就決定如期起行~~(行市區, 而且路途短, 中途退出比較容易, 如果行長途的應該唔太掂了)

 

登獅子山有很多路徑，廢中青當然選了最簡單的一條，

 

由此路上獅子山公園

 

我原來第一次來獅子山公園的,

 

原來咁高架咩

有個頗ok的公廁, 可去完才出發

行此路上

千祈唔好miss呢個路口, 沿山路走, 幾好行

呢日都有廿六七度, 行左一陣已經出哂汗

第一個打卡位

呢度有人食煙, 真討厭, 遊人亦唔少

藥力開始生效, 我開始行得快番

沿石屎路走約半小時多便可到達九龍坳的回歸亭，呢條路雖然一路向上，但路況很不錯，不難走～

朋友仔少做運動, 反而一路走在我後面, 竟然話我似一隻山羊!! 我狀態一般也像山羊啊!! 如果狀態大勇又是甚麼, 哈哈! 我喜歡做山系山羊! 我覺得多做運動了, 真的可以提升體能, 今年確實有少少成果, 疫下當自強! 我要繼續努力啊, 不能自滿, 不能鬆懈, 怠惰時間確實比較多

係呢度休息期間, 腹痛給藥力壓住, 身體舒服時真係會好開心(最廢的廢話) 我記得當時還跟朋友仔說, 身體健康當真無價, 如果可以正正常常, 今天的速度應該可以大大提高, 朋友仔又話, 你要咁快做咩啫~~~咁又係, 我喜歡行山, 首要係想親近大自然, 其次才是為鍛鍊身體, 要咁快究竟所謂何事呢

稍事休息便出發攀升約200米的山頂，山路比前較崎嶇，

呢個位都幾驚, 唔敢行咁出

開始好多懸崖, 大家影相時要打醒十二分精神

準備上獅頭

 

係呢度有一班人正從獅頭位置下來, 有些人表示畏高, 有點驚

上獅頭的路更只容一人通過，要很小心謹慎, 必須要等人落完來, 才可以上, 假日應該要耐心等候

雖然有人說登獅頭好難, 我又覺得唔算太難, 但當然有些位置要手腳並用, 而且貼近崖邊, 都係個句, 要萬分留神, 安全為上～

獅頭位置景觀十分開揚，面朝南，背向北，把九龍與沙田完整分隔著，這裡應該是看九龍全景的最佳位置？

我都不敢行得太出, 好近懸崖, 要小心小心小心

就連對岸的港島也清晰可見，沒想過海拔只有495米的獅子山可以看到這麼遼闊的景色，

但看著這片土地怎麼心頭會這麼緊，小小的人難免又要傷春悲秋一番 ~

再講一次, 獅頭一帶都是臨近百丈懸崖，而且空間極有限，拍照及欣賞時要特別留神啊～

離開獅頭就會沿山脊行至高495米的山頂，我覺得呢段路反而幾難, 坡度很高,

 

這裡是獅子山最高位置，亦是遊人打卡熱點～

 

打完咭便從麥徑超級天梯走至沙田坳（耍廢的放棄左望夫石），呢條天梯真的不惹少，會行到腳軟;

 

左右均可, 右是行級, 左是繞大圈但斜路, 我們選了右, 狂多級

 

這裡遇上牠

 

很有意思

 

最後經馬路返回慈雲山, 我們決定不乘小巴, 繼續行去黃大仙, 至此結束約五小時的登獅之旅～

返回屯門吃過快飯, 停下來, 腹痛又回來了, 剛才真的太堅毅了吧

 

這次行山遇到很多友善的遊人，什麼年紀層也有，大家都很主動幫忙講解路線、拍照、互相讓路，也許這就是傳說中的獅子山精神。在山水面前，人與人才可回到最初，心靈才能得到釋放~ 

呢個獅子山行完真係隻腳真係痛幾日, 級太多了, 下次要帶行山杖啊

我甚少行市區的山（個人不太愛看樓景吧)，今次來純綷為了深愛的你，縱使內裡已千瘡百孔，回憶與感情卻是終身的。

下一回，要重返森系了～

路線：獅子山公園—回歸亭—獅子山頂—沙田拗—慈雲山

需時：正常4小時，我用了5小時

難度：3星(以5星為最)

景觀：3星((以5星為最)

長度：約6公里

 

#山系阿禪

#人生總有歡喜難以絕無掛慮

#最茫然的旅途

#下一站長咀

#身體健康

#wearehongkongers