大欖涌水塘至青龍頭半天遊

避疫下，山上都擠滿遊人～作為新界西人, 大欖涌水塘是最近最理想之選, 但它原已是行山熱點，可幸路線四通八達，條條大路通羅馬，只要慢慢揀，仍然可以找到風景好、唔難行而又唔多遊人既路線～我地今次又揀左咩呢

呢日係星期日, 我地係茶記食個邪惡早餐先, 奶茶很不錯吧

然後乘巴士大欖下車, 感恩, 天氣很好, 而我地揀的路線比較冷一點, 所以唔多人

呢日其實即係屯門公路轉車出發，沿路有少少水都既感覺

經大欖懲教所，

開始上斜, 呢日好熱, 23,4度, 行左陣已出哂汗

 遠眺到主壩了

約半小時便可抵達大欖涌水塘主壩，以往都是在山頂上俯瞰大欖涌水塘，今次可以用水平線欣賞，又別有一番景致，

大部份遊人會選擇在此處野餐、拍拍照並沿壩尾山路離開。

呢度亦係今次行山線最多人的一段路

要避開人群影相也不易

其實我地一開始係打算行去深井, 但這天天氣頗熱，陽光迫人，又忘了帶帽子和雨傘，好掙扎是否要離開, 因為真係好熱,

但一場來到，好想做下運墽決定繼續行程。

離開主壩，

回望主壩,

 

很快進入大欖涌郊野公園範圍，像進入深山之中，方知新界西也有很好的自然風光，

  呢度真係好靚呀

執左個松果, 決定帶回家加工

補充下體力

謝謝有棵大樹, 俾我地在樹底下吃午餐, 呢日真係好熱好哂

看到分岔口沿樓梯而上，便進入圓墩郊遊徑，

呢度遊人亦開始減少，此處路況極好，以泥路為主，偶有上落，但坡度不高，尚算易走

很快便可去到民安隊圓墩營，這個營社與世隔絕般，想不到香港竟有一塊如此大遍的草地在深山裡，

牛隻與人類在草地上，你有你吃草，我有我放紙鳶踢皮球，完全是一幅人與自然的理想構圖～

在圓墩營大休了一會，原想以深井方向作終點站，但我地唔係太找到真正既方向, 而且但熱得有點溶了，決定刪減深井路段，往青龍頭離開～

係圓墩營走了個圈, 才找到路去青龍頭, 但走出山路時，

發現自己身處極”高”地（其實才200米），覺得它高是因為下山路是一條天梯，一級又一級，好像走極也不完，我係度覺得好腳軟啊!!原來我有點畏高!

 而意外地發現，原來此處可俯瞰屯門公路，每天在路上乘車的我，卻從不知原來深山竟有如此一條小山徑啊～

 

下梯級約二十分鐘, 便來到這裡, 非常易走

呢度有個燒烤場, 開始多人

在屯門公路底

山路的終點站卻是在青山公路，剛好看到日落西山，美不勝收～

之後便乘巴士離開,

天氣太熱, 而且行了五個多小時, 小小的人又覺得暈暈地, 所以食個快飯便回家了(其實雖未實施限聚令, 但食肆已很少了人)

呢個路線很好走, 而且風景不錯, 想近近走又有風景看的, 實在乃不二選

路線：青山公路大欖段—大欖懲教所—大欖涌水塘—圓墩郊遊徑—民安圓墩營—青龍頭
需時：約4小時 (我卻了5個多小時)

難度：2.5星 (以5星為最)

景觀：3星  (以5星為最)

長度：8公里

山系阿禪

提升免疫力

抓著春天的尾巴

才二月已熱到一個點