聖誕東京之旅－小小的人小小後記

其實所謂後記，只係想記低一些重點，俾準備自遊去東京的新手們，分享我一點點感受和一點點建議。

一）亦是我最大最大的感受，最大最大的忠告。如果大家打算冬天去東京，千祈千祈唔好著蹲領衫！！無論你有幾怕凍，都建議你唔好著蹲領，真係凍的時候就戴番頸巾，因為係東京的室內地方，包括商場與車廂，都充斥住暖氣，而呢種暖氣你係絕對可以著短袖！記得JR還有甚麼弱冷車廂，（即比普通車廂更暖）焗到C小姐有晚病左！我地有次誤入了呢卡車廂，到下一個站時即係跳番出去飛去第二個正常車廂到（其實都一樣咁焗），大家可想而知有幾熱。（定係我地都咁怕焗？？），所以，你只需帶一件很保暖的羊毛底衫，超厚冷衫也不必了，最重要輕身，如果唔係你一路shop的時候就會覺得身體好沉重（除非你大部份時間也在室外吧，但在東京，你又會幾何係戶外）

二）要用背包作為手提行李，因為如果行一整天，拿斜孭或者單膊你的膊頭都會不勝負荷（哈哈，當然你個猛男幫你就唔洗煩）

三）淺草、台場、上野三個景點必須拆開，一天很難完成啊

四）超級乾燥，手腳好像龜裂咁，帶多d cream（唔知點解會流鼻血，好恐怖）

五）唔知點解酒店都係只有暖氣（我住個間係），夜晚熱到暈，著短袖衫褲絕無問題

六）去到機場要買suica（唔記得係咪咁串），日本八達通，我用得好叻，只用剩兩元就refund番

七）係香港去百年唱yen la，好似比較抵，不過就係中環，也謝謝S小姐撥冗幫我地唱錢

大致就想到這些，希望會對心思思想去東京的新手們，有點點作用吧

好了，今次真係寫完la，謝謝大家收看

希望我的遊記好快會再同大家見面