星期六放工即刻碌去灣仔,跟 K and C回合，哈哈，我地山長水遠去買鞋，
結果呢，我喜歡的星星鞋沒有我碼，
但最終我同C都有收穫
原來大角咀都有賣同一品牌而又平的舖頭，下季我地會再戰大角咀：）
本來諗住行十五分鐘，最終都要315先走得(當然,有人遲到了二十分鐘)
我地又要趕返去尖咀食tea buffet,
去到成3點9了,今次選定了九龍酒店,加一後每人$150,朋友仔覺得唔錯,我就覺得甜品不俗,有刺身,但熱葷就太少,粥及粉麵的材料不會refill, no good wor,但佢只係tea buffet,其實仲想點?
食完之後就去海港城閒逛,哈哈,雖然好多人,但sales都掛住招呼自遊人,所以我地可以好放心去”搗亂”,玩左好耐咁,最後都有少少收穫o既
那早可能著得太多衫了,下午溫度又升了很多,我著住件羽絨同羊毛底衫,真後熱到顛,係海港城行左一陣,覺得自己好似去左池袋咁……………..
行到八點,大家都太累太熱了,所以又去了飲杯野,點知傾下傾下,hea下hea下就成兩個幾鐘………….閒時能跟朋友仔飲下野,講下生活事,其實真係幾開心
返到屋企,又看看我的戰利品,有時想,辛苦得來為兩餐,如果能力所及,而又不過份的話,有時買下野氹下自己都唔錯架(我知大家都會覺得呢個係借口,哈哈,),以前唔會理自己的儀容,求求其其就算,現在年紀大了,先識後悔,哈哈,青春易逝吧,原來打扮下,人精神d,自己都會開心d,攪到而家先識驚,希望唔會太遲,希望大家繼續催促我,繼續讓我進步
沒有留言:
張貼留言