呢個紅樹林之旅其實係我地第一晚到步,先同Leon book o既,一心諗住第三日先去,不過唔緊要啦,都係提早左一日,local tour包酒店接送、馬拉下午茶、乘船遊紅樹林看馬亞獨有的長臂猴、晚餐同看螢火蟲,約需港幣$400
因為我地臨時臨急join番,所以Leon特登搵左架十人車來接我地出市區,然後再join其他”團友”,哈哈,成間Nexus得我地去咋,包車的感覺很好。
終於出城了!私家車走得快點吧,坐了四十分鐘右右就到了KK的市中心,center point一帶
匯合其他酒店的”團友”,已經差不多下晏三點,一行二十人就出發去紅樹林了,呢程車真的耐到………….
訓到都唔知時間,原來已經係下晏五點,真係遠到……….仲要落雨落到嘔電，
沙巴的天氣真係好…..好彩落車時停了雨
真係超遠的郊區
慢慢行入去
享受馬拉下午茶,都係一些小食,我就無咩興趣了
我地出發搵長臂猴了
呢度有鱷魚出沒的,不過我地無緣一見了
咁熱的地方,坐係架船一路向前飛,估唔到會覺得凍,可能已經係傍晚同剛剛下了場大雨吧!好彩有件救生衣擋下風
其實都見到好多隻,但相機影唔得清,自己加d想像力啦,我帶了望遠鏡去,但一路望時又唔識較,又要顧住影相,好輪盡!!
見唔見到呢隻係咩?好恐怖!!條尾好長!!
看完長臂猴,我地要返去水上屋食晚餐了,呢度都係自助形式,我見到一個個人攞住隻碟,排住隊攞野食,條隊好長好長,然後有人用好大隻勺盛飯到你的碟上,個個又好有秩序咁坐番係一張六人的長木枱處,一列一列井然有序,真的蔚為奇觀!食埋d唔多熱的飯菜,呢一刻我覺得真係好似監獄風雲!!!
(註,另三group同一時期去沙巴的朋友卻堅說他們的紅樹林之旅膳食very good!!)
食得咁上下,我地又再出發,去搵螢火蟲,嘩,呢次真係超正,好好好多呀,真係一閃一閃小星星,河兩岸的樹都變了聖誕樹!!近岸去看,d螢火蟲飛來飛去,好似流星咁,超得意!!好開心呀!!
看完螢火蟲,差不多要離開了,Leon果然好有經驗,佢話有一場暴風來緊,要我地行動要快,嘩,行唔夠幾分鐘,真係倒水咁倒呀,我地又要跑了,哈哈!有遮都勁濕哂呀!沙巴的天氣真的……..
返到出市區,又要兩個小時,之前Leon已經講,因為佢臨時抽我地去今日呢團,而佢地的行程有土產店!所以我地都要去,哈哈,我仲問佢係咪一定要買野,好彩佢唔係珍姐!無所謂啦,反正是一間朱古力舖,哈哈,正中下懷啦!!
買左少少野,Leon安排左一間細車俾我地番nexus,因為唔洗送完佢班團友先再送我地,我我地可以慳少少時間!
一路返去的途中,一路都下住大雨…………明天的美人魚島之旅………..
返到酒店又十一點幾,呢日超攰了,我地攪到一點到就要訓l a
沒有留言:
張貼留言