Day 2
終於抵達瑞士Zurich, 瑞士比香港慢7小時，所以去到當地還是早上6時許(香港已是下午1時了)，第一時間較番隻錶先，往後send msg同打電話番香港，都要心算大家訓左未……
第二時間係帶番副con,我個樣真的太衰了,唔知係咪心急,我竟然刮花了副隱形眼鏡!! 呢個情況簡直絕無僅有,好彩仲有副後備,唔係之後就大煲了……
而係呢個時候,我地亦認識左團友M小姐,嘻嘻,大家果然一拍即合!
拖住行李準備上車時，終於feel到凍了，要出動羽絨了！
一上車，天仍未光，但我己經急不及待望下窗外景色，終於踏足歐洲了，真係好興奮！！
我地第一站係萊茵河瀑布，司機走捷徑，竟然帶我地兜左入去德國邊境的公路，哈哈，我地咁樣係咪算去埋德國呢？
一下車，好大霧啊，天色紛暗，登時有d驚，唔係日日天氣都係咁嘛？咁大掃興了。好彩都係頭一兩天才咁大霧。
真正令我驚o既係，我一開相機，郁唔到！！（其實唔係機壞，係電池老化，出發前我沒有檢查！）好sad，咁點算好，剛剛還是第一站！好彩，我仲有部Iphone頂住，往後大部份相，我都係用電話影咋，想不到去一個咁重要的地方，我竟然要用電話影相！真係好大教訓！
嘩，影下影下，大家發覺隻手開始僵了，好凍呀，我諗呢度得幾度咋！
離開萊茵河瀑河,我地準備前往伯恩,途中經過一個停車場,附近有一所細細的美食廣場同超市,我地稍事停留,呢度的洗手間要付款的,要1蚊瑞士法朗,但用完之後張洗手間券可以refund番來買野食。領隊將佢個張券俾左我地,”贊助”我地買野,我地就買左杯熱朱朱暖下個身,盛惠HK40左右,但就唔太好味了
接著我們來到瑞士首都Bern伯恩，這個城市於1983年被聯合國列為文化遺產，可惜當日太大霧，看不清它的全貌。
玫瑰園，植物都結冰了
棕熊穴
如果好天，這裡一定很美
沒有留言:
張貼留言