今天，選了一段兩星的路程，據網站說，全程只需2小時15分鐘，以我的腳程及能力，我俾夠佢4小時行完！（原來我又高估自己…）
今次行的是大嶼山南郊野徑 , 由南山出發,到伯公拗,可欣賞大東山(全港第三高)和鳯凰山(第二高)和俯瞰南大嶼山的秀麗景色
但天氣非常之差,全日無陽光,只有大霧,觀賞景色可能會差些,唯有當行山,做下運動。
由屯門碼頭乘街渡往東涌,需時半小時,好快! 但班次極疏
能見度好低
中間的島是什麼
見到中間隻雀仔嗎
行去東薈城食過早餐
好恐怖,東薈城原來都係喼來喼往,俾自由行攻陷了,
香港已完全淪陷!
出發了
乘往梅窩巴士,至南山站下車
真係2小時15分鐘,我當時真係信
上斜了
其實唔算難行,但d路不停轉彎,個樣差不多,有點悶
行左一個鐘,一個休憩點也沒有, 只能站著吃東西
食燒肉,夠新意 車厘茄好Juicy
繼續行, 心情仍然不錯
見到貝澳,但太大霧,完全看不清
又行了個多小時, 差不多兩個多小時,即係差不多行完?
又食下乾糧
遇到兩名外藉人士,佢地係由伯公拗出發去南山,我問佢咁仲要行幾耐可以到伯公拗? 佢地話三十至四十五鐘。同路牌指示講的頗吻合,我只係慢左一個鐘吧
我依然相信快到終點
加左少少效果的相
其實我唔知行左幾多個山頭,我只係覺得好攰, 又就快天黑,但過了一小時仍沒有下山的跡象! 我仍然在山頂!!
見到長沙灘,真係好長好靚,可惜太大霧, 同埋天黑了
我已經無心情看風景,天黑得好快,我好驚被困山頭,越行越急!!
下山路好黑,快要伸手不見五指!!好彩電話有電筒!
我衝到落山, 山路又上又落,真係超攰,我地足足行左五小時!!! 被騙了! 我明明也沒有怎樣休息過,
最後兩小時簡直是半刻也不停留!!
去到馬路覺得隻腳斷了, 想截架的士出返市區, 點知一架都無,好沮喪, 都唔知等左幾耐先有架由大澳返出來去東涌的巴士………
總結:其實段路唔算難行,但對我來說太長, 中途不設洗手間或者涼亭,只係一條山路。跨過一個又一個山頭的路, 會有點悶
風景方面: 可能整天都很大霧,完全看不清山下景色,
如果天朗氣清, 貝澳與長沙的景色真的不錯
如果純粹為看風景, 呢度未必係首選,但如果當做運動,就真係相當不俗!
返到東涌已經散左, 但之前一早跟朋友仔plan去廸廸尼食聖誕餐, 順便影下廸士尼夜景(又為左部機),所以唯有拖住攰透的身驅去廸廸尼了
頭盤: 三文魚沙律, 唔記得影
湯: 豆湯
主菜: 牛扒和蜜桃豬柳
甜品: 白朱古力芝士餅
食物中規中矩,甜品比較出色,價錢呢,酒店嘛, 都唔算太貴
飯後胡亂地影了一些相,算做試左某些功能,太累了,打道回府!
沒有留言:
張貼留言