聖誕新年真係食左好多正野,所以又重左幾磅,好驚呀,不過無計啦,美食當前,唯有而家開始勤力d減番啦(聽住先.......)
食左咁多餐, 有幾餐我覺得可以推介下,以下呢間係我覺得最物有所值的!
黃金海岸的"粵"
呢間中菜館食過幾次,每次都好有驚喜,雖然價錢也不便宜,但真的物有所值架!
之前都喜歡坐係室外,貪佢景觀開揚，但今次天氣太凍,坐番室內,裡面枱與枱之間好有空間感,環境舒適! 今次仲坐到半圓梳化位, 正!
揀左廚師推介餐, 其實加多少少錢就可以係隔離西餐廳食到個buffet, 不過呢度環境食物真係嬴哂!加上而家年紀大,已經食唔到好多野,反而以同一價錢,享受更高質素的服務與食物,比吃一大堆頭的還要滿足!
前菜, 甜甜咸咸的, 好好味
脆糖黑豚肉拼三文魚卷, 呢件豬頸肉真係好好味, 入口即溶,拼個埋汁無得頂!
龍皇杏汁花膠燉白肺,呢個湯應該係呢度的招牌菜,我俾足101分佢!料很足,又夠潤, 好想飲多碗呀!
蜜椒汁香煎澳和牛卷,呢件和牛卷本身很好吃,但同呢個汁好像不太夾,甜甜的,怪怪的,但都唔錯o既
鴛鴦金沙脆蝦球,上次吃過它的蟹肉扒蝦球,已經覺得呢度d蝦球無得輸,好吃得很! 呢次來個炸蝦球,左邊是芋泥, 右邊是咸蛋黃,兩隻都炸得好好味,中間的沙律正好調和它的膩。讚!
鮑魚汁脆香金釀豆夾, 即係老少平安,雖然有兩片金箔點錣,但對比之前的菜式,呢道菜就有點失色,定係我已經飽飽地?
原粒瑤柱伴高山菜，唔好睇佢份量少少，但其實食到呢道菜，已經飽左九成，小小一碟份量剛剛好！
魚湯魚蓉稻庭麵，呢個麵材料簡單，上枱時還熱得冒煙，魚湯好濃，稻庭麵好彈牙，總之好好食，可惜我已經飽到九成半，只係能完成一半！而家好想食番！
呢度大部份菜上枱前，均會在你旁邊加熱／加工一番才正式奉到你面前，所以每道菜都是熱辣辣上枱，呢樣真係好抵讚！
見到呢碟甜品，我不禁叫了一聲，我明明食緊中菜架？？好正，左邊是朱古力杏仁粒蛋糕，中間是法式燉蛋，右邊是藍莓芝士蛋糕，明明已超飽的我，都要堅持食埋佢！！
生果，擺得好有心思！
呢餐團年飯好滿意呢！！
沒有留言:
張貼留言