試新野有驚喜@Amazing Don

一向都知元朗有很多好野食,平靚正而且選擇多, 不過就是一點偏執,哈哈, 就係好唔鐘意個條人多車多的大馬路,所以雖然同屋企好近,我都好少去元朗食野

今次朋友仔話想入元朗走走,我諗來諗去都唔知食咩(因為真係好唔熟),是旦啦,諗住去食田中, 未夠七點, 當然又係人頭湧湧, 實在唔想等位, 就去左隔離間新開的Amazing Don 醫肚了,套餐包湯及小食, 味道一般啦

呢個煎牛卷配薯菜好味!!

炸蝦甜咖喱飯, 都唔錯!

梳打水, 一般啦, 新張試業所以免費, 仲想點啫

迷你芝士餅, 好味, 但太細了,不過都係送的

可能試業啦, 有好多優惠, 又有抽獎又送甜品飲品, 都幾好wor, 隔離枱有些抽中全單半價, 有些抽中全單八折, 我當然繼續黑仔命運 (點解明知我黑慣都要我抽啫),只抽到一張再惠顧的優惠券, 好過無....(抽獎是永不落空的!)

如果不是新張優惠, 每個餐只需加12蚊就有飲品同甜品,好抵呀, 仲未講, 晚市套餐由五十多元至八十多元不等, 我地呢餐兩個人百三蚊都唔洗,  真係唔錯, 平平地一餐質素又ok , 都算係咁啦