熱左咁耐，終於都落水了
呢日天氣麻麻，有雷暴，但樂觀點看，多左雲即係無咁曬，都係好事！
飲個早茶先，美心皇宮
蝦餃不俗
最近總是被小毛病纏身，出了兩個月＂瘋爛＂，一停藥就出，好煩，呢一兩個星期仲要頭重重，又唔係傷風感冒，只係前額好＂聚＂，以為帶得太多隱形眼鏡，但看了醫生又說不關眼睛事，可能與長時間垂頭有關，但吃了藥只能止一陣，無咩用，而家估可能係有頭風（真係開始有老人病先兆），用緊偏方，又改善下姿勢，希望快d好轉啦
因為頭聚聚，精神無咁好，但一早請了假來游水，唔游又對住唔朋友仔，商量一陣，決定唔去大浪灣，改而入梅窩，諗住游唔到水都可以郊遊下，望下大自然，當係休息下都好。
乘船期間下了一場大雨，心諗都係游唔成？？(不錯,落住雨我係更加游唔到的,雖然好多人話落雨可以照游)
吃了藥在船上睡了一會，下船時精神好了些，而且停了雨，仲見肚餓添！明明剛飲完茶！
久違了的M記！
其實食完M記都未有打算做咩，諗過去踩單車，不過行到去沙灘時，成身已經滴汗，雖然天陰陰，但仍然好熱！見到個沙灘只有幾個人，太難得了！！好似包場咁，決定落水！！
雖然下了雨，但水質出奇的好，勁多魚！！！最驚的，是魚會在我的腳穿梭，嚇到我大叫，遊人都可能以為我遇溺！哈哈
對上一次來銀礦灣游水已是三、四年前了，在我心中它雖然不及大浪西灣、大浪灣同舂坎角咁靚，（最主要係見到個碼頭）不過佢相對無咁多人，而且海底的都是沙，沒有石，對我這種不善水性而會突然站在水中的人來說，是非常之好，係練水好地方。
雖然係雷暴警告，但hea左呢三個鐘完全無落雨，而且唔哂，真係好正，不過可能因為沒有下雨，來沙灘的人越來越多，少了一開始的寧靜了！
晚餐去了銀礦灣酒店餐廳，現在的buffet只會在星期六供應，難忘它的燒乳豬和印度拉茶，今次就只能吃它的semi buffet，食物款式沒有驚喜，價錢亦比以前貴，質素也差少少，不過也不能想當年了，其實係呢度食飯好舒服，有無敵大海景，而且人少少，無咁食物質素都係其次，它始終係我優閒度假之選！！
沒有留言:
張貼留言