Day 7 Part 2
墨爾本 Melbourne~~
奧特威樹頂 Otway Treetop Walk~~
大洋路 Great Ocean Road~~
十二門徒石 Twelve Apostles~~
Stamford
Photo of the day~~
墨爾本比塔省真係熱好多，係呢度雖然大風，但其實可以唔洗著外套，薄薄地長袖已OK
久違了！！
你依然很美麗，聽說早幾年又倒下兩柱，現在究竟剩下多少？
記得十幾年前來，因為車子的玻璃窗破了，令到行程有誤，趕到來時已是黃昏，但當時的景色也很美麗，我好記得當時大家都好驚太晚來會看不到（那時是冬天，比較早天黑），點之出乎意料之外，黃昏景都好得！！所以說更好的可能在前面！
今天到來，是午後的天色，雖然陽光不是十分燦爛，但有著藍天白雲做底色，你看來別有一番美態！！
我真心覺得你好靚！！
浩瀚
再看亦是如此美
你可以俾錢乘直升機俯瞰十二門徒石，好似最平個隻＄600-700港紙就有交易
茫芒大海豎立著幾座大石，你會驚嘆大自然的神奇！我們真的要珍惜地球給我們這一切！！
我好鐘意呢張望洋興嘆~
我不知自己會不會再來澳洲，但平生來過兩次澳洲的我都有來這裡，證明我對這裡情有獨鍾，都係個句，有機會我會再來！！
打道返Town la
自由活動前，沒錯，今晚我們自由活動, shopping ！先去左城裡阿拉河參觀
對面這座金壁輝煌的，就是本身我們住的Crown, 點解我地要住間咁既野！
係酒店擺低行李，就出發去附近的唐人街買野食飯！！
條街都幾多食肆同商舖
開頭睇中對UGG，約港紙＄700，無理由咁平掛，因為驚係冒牌都係無買，諗番起都覺得大家夠冷靜
之後就開始去買下手信，鳥結糖呀、nuts咁
本來諗住搵間好d既餐廳食飯，行街既時候都睇中左間上海野，點知行到去既時候要關門了！才九時半啊，我以為唐人街會收好夜添
最終我地食咩？因為又攰又熱又扲住重野，(真係好熱，其實人家真是夏天嘛，我們仍然眷戀塔省清涼的天氣)，就求其入左間中餐廳
我食水餃麵呀，朋友仔就食燒味飯，好似好求其呀！！
但我想講，呢碗價值港紙＄70
蚊既水餃麵，好難食呀！！係好難食呀！！水餃沒有蝦也不要緊，點解d豬肉會咁難食既？
要返去執野lu，開頭以為買左幾多下，點知最終唔夠分！！同埋我發覺除左一d skin care之外，我無買紀念品俾自己wor~~
呢隻鮑魚味nuts好好食，點解我買得咁少？？？我都係食左幾粒咋，好後悔無買多幾包！！次次都係咁！！
以為自己買左好多，但原來好少，食的手信仲要唔太夠，下次下次一定要預鬆少少！！
其實都唔係好多野pack，所以好快執完行李lu, 寫埋張postcard就訓，澳洲之旅即將結束！
呢一間訓得好差，係咁多晚最差的，失眠添，係我唔鐘意呢張床，還是唔捨得呢？？
明天一早要塔飛機返香港，係機場我地仲有一個任務，就係買急凍鮑魚！仲有一篇，記住來看呀！！
沒有留言:
張貼留言