關西大阪之旅～～
人物：小小的人、K小姐、C小姐和P先生(後兩位比我們早出發，我們Day 2 night 才Join番佢地)
目的地：大阪、京都及神戶
團費：我地早於7月已訂機票，今次係我第一次坐廉航HK Express, 連稅及行李(去程買了20Kg 回程買了25Kg加埋揀位費) 約$1,800，紅葉旺季算係咁。至於酒店，會住4晚大阪和1晚神戶，神戶個晚係入住溫泉酒店，包一泊二食，5晚酒店每人大約用了$4,000。所以加埋保險，酒店連機票大約用了$6,000，不算特平，但都ok 啦，始終我地對住有少少要求，嘻嘻。至於住邊間，下文待續。
天氣：7至15度，天晴（要感恩，沒有下雨兼有太陽，yeah），受過弱冷車廂的教訓，今次帶了羽絨，裡面就薄d，而且可加可減，避免在車廂內侷暈，我是認真的，充滿暖氣的弱冷車廂，真係好侷＠＠）
貨幣：當時是在internet banking 買日元，再在銀行取的，（原來這個方法與在百年唱差不多，以後不用特登扯去中環唱了）兌的時候為6.31，比起4年前兌10去大阪，真係平好多
消費：我不是血拼之人，但算捨得食既，所以用係買野唔算很多，食買交通大概用左$8,000，呢d都係因人而言啦。
上網：在sim 咭與wifi蛋之間，我地最終揀左用Docomo 4G 2gb sim 咭，仲要一人一張（方便可以分開行街而又能保持聯絡），每張其實都係$115，比起兩個人租蛋更平添，除非你係超高用量，如果只係facebook 、whatsapp, check email咁，六日用2gb係相當足夠，我很多時還share wifi俾其他人添～～當然如果人多可以考慮番用蛋
今次係小小的人第二次去大阪，對上一次是四年前跟團的，因為朋友仔未去過大阪，所以都係揀番d大路野，景點確實與跟團那次大同小異，少了點驚喜，不過都有些東西想吃和想買，而且始終是自由行，所以d行程都Plan得幾認真架
（其實Plan 左兩個新行程俾自己，包括嵯峨小火車和錦市場，最終去得成嗎……下回再續）
出發鳥～～
我地會乘坐香港快運14:55直抵關西機場。因為機上無野食架，所以我地早少少出機場食個晏先～～最終未夠12點就係屋企出發了，今次我地都係塔的士去巴士站，再轉巴士去機場，好順利，1點鐘就去到了，機場周圍都已經係聖誕佈置
香港快運係T2 check in 的，我件行李只有十四磅，咁輕既，等我地仲買左20kg ，我次次都好似搬屋咁去架嘛～跟住check in完就係T2食飯，千揀萬揀揀左我係亞博on duty 時成日食的燒味飯，不過今次覺得好難食，凍的！食完就去759買定乾糧。
我地要係T1上機的，但原來係T2地底有通道過海關，再坐無人駕駛返去T1的，極方便。
今次又係521閘口上機，我唔太鐘意，因為上次去台灣時坐港龍都係用呢個閘口，要先乘巴士去停機坪的，架巴士要等上哂人才開，好迫，有d人在咁迫情況下仍然挨著扶手，自私到呢，而且架巴士兜左好耐先可以去到停機坪，絕對唔方便老人家，不過之前坐港龍都係咁，又難怪廉航都係咁，好彩回程時不用這樣，否則大包細包咁抬上抬落都幾係野。
去程飛3.5小時，原來坐飛機無野食無電視看都有少少悶，唯有填下入境表呀睇下旅遊書打發下時間啦。抵達當地時間為晚上7:25，日本時間快香港時間一小時，即刻較番個錶先。
要先坐無人駕駛去入境處
過埋關取埋行李大約8:05左右，係呢度要讚下日本機場，有工作人員會在行李輸送帶取出行李，排好再讓旅客去取，好貼心的服務啊。
因為我地間酒店係JR大阪站上蓋，所以乘JR關空快速列車，一程車便可直抵酒店，出發前check 過好似20:20定20:30有班車，所以就九秒九跑去搵車，遲左下一班要再等最少30分鐘（其實可以乘南海電鐵，但要轉一程車，又可以乘機場巴士，但下車後要行10分鐘，我地見夜媽媽又唔識路，都係塔關空快速最穩陣）
邊跑邊影，好趕呀
看看張相影到咁～～可想而知我地有幾趕，哈哈
真係趕到手都震埋，JR咁大隻字，不難找呀
我地買ICOCA儲值飛，即係日本八達通，唔洗次次買飛，只係需要增值，family mart都可以用架（有500円是用作按金的，所以臨走前記住refund番，哈哈，但我地真係唔記得呀～～）
趕得切，其實車站好近，識路10分鐘便來到。原來20:30先開，呢程車約1,190円。仲有時間影下相添
呢架車沒有行李位，如果好似我地得兩個人就最好坐單邊面對面的位置，再將行李放在走廊，叫做無咁阻，我地唔知坐左四人位，就好似阻住人咁，因為會有好多人上車架～～
係呢度我終於啟動到sim咭，因為咭本身是nano sim，而我係用micro sim，所以要用咭套入，有少少麻煩，不過憑藉K小姐的巧手，終於入啱個位
圖片取自網站
呢程車話就話65分鐘，但我地好以塔左好耐咁，去到酒店要10點了（不過好方便呀，完全不用離開室外便可以去到酒店）
我地今次住Hotel Granvia Osaka，經Hotel.com訂的，差不多早五個月前已book，約港元$1200一晚，係就係貴d，但因為旺季，而且地方有25 sq mets, 係日本酒店來說都算幾大，起碼可以完全打開兩個喼先，洗手間亦唔錯，乾淨企理，最緊要同佢request non-smoking room，因為另外兩位朋友仔第二天入住了smoking room，都真係有幾大煙味架。
室外氣溫9度，稍事休息，我地要出去搵食了，10點幾都未食飯呀~~~
憑著google map與高超的方向感，哈哈，我們看著地圖，首次兼夜媽媽係梅田呢個大阪重鎮搵路，（呢度真係一個大迷宮，地下街真係超大啊，行幾日都行唔完），不過真係好叻（其實人地有哂指示），我地好快搵對路，大概已搵到Hep Five、 三番街、驚安呢d 熱點
Hep Five旁的摩天輪
不過都係要去東通街食野先，估唔到咁多人～～
真係好多野食啊
眼花撩亂，最後揀左呢間，
左邊的冷豆腐是送的，右邊蛋卷巧巧食，好滑，中間的蒸豬肉好驚喜，肉很鮮，菜更是爽甜！超讚
刺身與壽司反而一般般，不算突出。
呢度可能做遊客生意，每人要最少點一杯飲品，我叫了杯橙汁，好冰，麻麻地，結賬大概每人$200港紙，都ok la
跟住再去逛逛24小時營業的驚安殿堂，呢度有哂藥物、零食、玩具、家品，一應俱全
都有好多得意野。
同事要我買的朱古力
Frozen潤唇膏
呢日開始看炆燒杯，呢度比香港平好多（比較下，最終我地發覺Yodobashi比驚安更抵，更齊款，待續）
不過呢晚我地想格下價，又諗住咁近，遲多兩日先買都Ok，所以暫無收穫。
行完返到酒店一點了，好夜呀，疏洗完去訓都成三點！！（誰想到以後晚晚都係咁＠＠）不過我又係生保床訓唔到啊，希望往後會有改善啦
沒有留言:
張貼留言