西貢郊遊樂之大浪西灣一天遊

呢兩個月好struggle，自己也不相信做一個決定會有咁難，多番掙扎，終於決定了，呢半年真係來回地獄又折返人間，今天的決定不知是好是壞，希望我不要後悔，要勇往直前！！

這次郊遊去的時候已是九月尾，天氣仍然很悶熱。當時返左新工一個多月，十分十分需要大自然，平時因為怕多人，通常都會請假才去郊外，但今次因為未過試用期，局住星期六去啦，人多就人多，沒法子。而我當然都係揀左最愛的西貢啦

 （路線係西灣亭－大浪西灣－鹹田灣－赤徑－北潭凹）

飲個茶先

乘車往西貢，再到親民街轉29R入西灣亭，要留意班次呀，得幾班車架咋

呢架就係29R，其實我地當時仲諗住係去到大浪西灣食碗麵就走，無咩準備糧水，點之…..

轉下車後步行至大浪西灣，影左幾張部相機就無電，心碎

 很快已看到美景

 

上斜完準備下西灣村

窺見到大浪西灣了

周圍也是生機,有好多蟹仔

 

行左半小時到西灣，今天好多人呀，上次來因為係平日，成個沙灘都無人，今日就好熱鬧

水勁清，忍不住玩左陣水

很多簡體字的垃圾,好憎呀

我要回來的海灣茶座

念念不忘的餐蛋麵，好食！！索價貴一點也值，因為有個靚景嘛！！

今天天氣好熱，但同朋友仔吹吹下水，一時興起，覺得機會難逢，決定吃完再出發（其實本來諗住好似上次就咁折返）

補給完，就行去鹹田灣，呢段路好辛苦好辛苦，完全無樹蔭，堅流了勁多汗，但沿路景色一絕，靚到暈，怎麼比大浪西更美的？？

要經呢條石仔路過對面

再上山

哂到人乾

回望大浪西

走了半小時，終於見到！！

 太美了！！

 大自然太偉了了，當你走到極困倦時，它會讓你相信，最好一定在前面！之前的辛苦彷彿不見了！

 走了大半小時終於下山，去到鹹田灣，太靚了吧！！比我喜歡的大浪西更靚啊！！

過那條橋真係好攪笑，過極過不到，我前面的女士行行下竟然坐在橋上，走不動！笑死我！！

作了少少補級就繼續出發

呢段路係去赤徑，不停向上，不停轉灣，我完全聽到自己的心跳聲，熱到暈，腳也發軟，比起剛才的路好像更辛苦，走了很久斜路

終於到了蛇冉尖的入口，不過我們上不到了，決定下山往赤徑走。

去到赤徑，久違了，上次來應是廿年前。十年人事幾翻新。

 我也住過的白普理堂

 寧靜的赤徑

呢度好寧靜好舒服，我地坐係渡頭坐了很久，看到很多魚和蟹

看到蟹嗎

 其實很多魚，但手機影不到

這裡有街渡回黃石，不過我地決定行埋去，再上斜

再走多半小時，終於回到巴士站，累透了，這天用了七小時才完成旅程（正常的應該四小時可以完成）

返回西貢，又去吃碗牛肚米線

雖然很攰很攰，但看到如此美景，真的不枉此行！！煩惱亦暫時放下！西貢實在係我的心靈雞湯！！！我希望可以早日重拾鬥志！！今天我是放棄了一些東西，我希望這只是過度，我要再抖擻精神，要繼續努力！勿忘初衷