Day 4
話咁快去到行程最後一日喇
呢日因為要預時間執野,所以我同Y小姐就負責去丹提外賣早餐
久違了的誠品,N咁多年無去過了
為左爭取時間,我地分開行搵自己心頭好
我都買左一本書~~
會合大家後,我們就去食午餐了,去左一間叫"合"的shabu,在香港已訂好位
既是最後一餐, 梗係要豪一豪啦
我地就去左打個豪邊邊
看完餐牌, 見佢描述每個餐都好豐富,所以我地叫了兩位海鮮餐和一位和牛餐~~
前菜
太霸氣了吧
呢個打邊邊絕對係五星級, 我地竟然係唔手自己淥,係有專人幫我地處理, 仲要分埋餸, 太棒了吧!! 攪到我地都有d唔好意思
先來個蔬菜陣
侍應甚至用鉗幫我地拆蝦殼, 服務太貼心了吧
最後來個海鮮粥,好好味!!!
雖然我地只係叫左三個餐,但佢依然俾我地選四份甜品,一點也孤寒~抵讚
我揀左雪糕同生果, 另外的朋友仔揀左紅豆莎之類
呢餐每人約吃了港幣$300, 食材新鮮, 服務一流, 環境舒適, 仲有,個洗手間係勁乾淨的!推介啊~~
食完我地就搭的士返去台北車站,
4個人嘛, 搭的士不會太貴吧,哈哈
閒逛了光南百貨
去左春水堂飲杯奶茶~~
時間差不多,就返酒店取回行李
係呢個時候先見到酒店的免費水果,
來了多天也沒品嚐啊~
慢慢拖行李去車站~~
又係乘國光巴士去機場, 約45分鐘就到~~
去到機場就去買買手信
我地係乘20:00機
飛機餐, 不過不失吧
返到香港大約晚上9點半, 但等行李差不多用了1小時,耐到一個點~~有一件少少好笑事, 原來我和H小姐和Y小姐很快已取得行李, 但突然輸送帶再沒有新行李出,咁我地仲有C小姐未取行李, 等左半小時終於再出來, 係C小姐取得行李時, Y小姐見到一個好似自己的喼在輸送帶!!原來佢一開始係拿錯左第二個人的行李!!!都唔知邊個好彩邊個唔好彩, Y小姐立即將不屬於自己的喼放回輸送帶, 我地笑說那個主人其實早半小時便可以離開了, 而好彩我地又等C小姐的行李等左半小時, 否則一早離開,帶錯人地個喼番屋企就大穫了~~
嘩, 我番到屋企都十二點幾, 攰到一個點~~好彩我第二日唔洗返工咋~~(因為那時個幾日待業中嘛, 哈哈)
洗費: 機票~$1,100; 四晚酒店~約$1,200, 食野買野交通~$2,800(因為去得太密,今次買少左野; 機鐵票保險數據咭~$350 （明顯比第一次快閃洗少左錢了）
今次快閃因為距離再一次只有4個月, 驚喜度差少少, 但因為加左兩位新成員, 成件事又變得好正, 好玩,好好笑~~我最喜歡就是貓空品茗的環節, 新鮮空氣、郊野景色、一壺清茶，和朋友輕談淺唱，生活可以好簡單，呢種節目完全很適合我呢個偽文青的人，呵呵～～
其實，係呢次快閃之後，三個月後，無錯，係五月初我地又快閃左一次～～一個小小的台北，我半年竟然來了三次啊～～呢次行程又會有所不同，下回再會喇
沒有留言:
張貼留言