2017紐西蘭聖誕九天大自然探索之旅~ Day 6 Part 2

返回岸上大概係下午兩點幾, 咁就上番車, 因為返去皇后鎮都要成四小時架~

點知一上車, 就覺得好侷好熱, 咁當地旅行社解釋架車哂左好耐, 所以比較熱, 要開一陣冷氣先會涼番~

當時係下午,天氣開始回暖,記得嗎, 因為領隊話呢日好凍, 所以我地都著哂保暖衣物~

咁我自己就著左件heattech打底~

點之車行左十五分鐘, 我完全感覺唔到有丁點冷氣, 加上陽光正正哂著車廂(車頂也是玻璃嘛), 在密斗的車廂中, 係堅熱同好侷!!!! 我地因為坐後座, 更係勁熱, 好似出汗, 但最恐怖係無空氣咁!!

但旅遊公司的領隊沒有解釋, 大家不得要領, 開始撥扇甚至開遮! 因為真係哂到好誇張, 出哂汗!

再過過十五分鐘, 車子停在一旁, 司機終於下車望望, 又係一句都無講就繼續開車, 我前面的男士除衫了!!!!但仍然無人講究竟做咩!!!

架車很快進入剛才十指不見的隧道, 係短短五分鐘車程, 我的潛藏幽敝恐懼症像要病發了, 周遭黑媽媽又沒有空氣, 好恐怖!!!! 當時真係覺得會死的!!! 完全透不到氣!!!! 真係好像經歷了生死似的!!沒有誇張, 係透不到氣!

終於出了隧道, 車子停下來, 我也忍不住除了外衣, 就咁著住件打底衫下車了,好彩係黑色啫, 好似朋友仔因為著住件肉色打底衫就除唔到!!!!~

成車人一下車, 大家都叫哂救命! 辛苦到呢, 當時深深的呼吸著, 能呼吸多好!!!

 

風景依然很好

呢個時候領隊先話冷氣壞了, 但因為無訊號, 最快要坐到一小時才去到補給站找電話求救!!!

天啊, 還要坐多一小時!!!!!

但已經無其他方法, 大家唯有頂硬上, 迫自己訓啦, 但咁熱又咁侷, 點會訓到呢

真係堅哂, 好哂, 好熱 , 沒有空氣啊

在車中打傘的我

捱了1小時終於停下讓我們休息下, 司機打了電話之後話下一站才再可換車,

咁我地又要再乘1小時~~

真係最長最侷的旅途

終於去到呢個休息站, 我真係要飲番杯野, 因為途中已飲哂自備水了~~呢度亦係早上第一個借廁所的地方, 有訊號, 可收msg了, 真的恍如隔世

終於有番冷氣, 結束兩個多小時的難忘車程,

返到皇后鎮已差不多晚上七點半, 我地逛了一陣, 買了少少野, 便搵番領隊去餐廳吃飯

這個Ribs 也不錯

後來團友告知我們買的蜂膠牙膏買貴了, 在超市平好多, 真係好飲恨!為什麼我忘了逛逛皇后鎮的超市啊

食完飯已經十點了, 就慢慢行番去酒店,  

 途中見到有趣的賣酒車

明天要離開皇后鎮, 出發前往呢個旅程重中之重的的行程Mt. Cook曲克雪山~

 

執好行李就去訓, 但都攪到成一點鐘, 圖為買貴了的蜂膠牙膏, 之後我地再買諗住拉平番個價錢, 哈哈, 不過最抵還是去超市買吧

 而圖中的車厘子汽水純粹貪得意買, 但難飲指數係十, 絕對係藥水味, 又一中伏之選, 反而上左第二的喉糖買給姐姐食就獲得激讚

不過呢晚我終於訓得好好了,沒錯, 好像好多天都沒有睡一覺好的, 呢晚終於訓到了,  起碼有六小時吧!!!