雨中的坪洲

復活節, 當然想到郊外走走

但呢日有雷暴警告, 天文台話會傾盤大雨, 咁樣點好呢

難得放假, 我地始終唔想留在室內, 決定博一博

去飲個茶先

去到碼頭覺得天好黑, 但都係決定繼續出發

坪洲

又來了這個我地喜愛的地方

但一抵步, 黑雲隨即飄至

先去碼頭另一邊看看

山雨欲來

咁我即刻話去食個下午茶, 避避先

邪惡呀, 芝士火腿西多, 午餐肉雞蛋米線, 還有我最愛的熱奶茶

咁食完又見個天光番, 出去行下

好靚的燒烤爐

點之行到去呢個泳灘, 嘩, 突然落大雨, 係勁大個隻, 咁大雨, 佢仲企響到

我地匿入去涼亭避,

點之雨越下越大

開埋遮也濕

等停雨期間, 我開住郭富城的雨中感嘆號來聽, 哈哈

係呢個時候, 仲見到過萬隻飛蛾在飛,

好恐怖

就咁樣, 企左一小時, 似乎都無停雨跡象

咁我地就決定冒雨離開

行到碼頭就已經雙腳盡濕,

要撤退了, 返出去中環

跟住返屋止附近食個飯

雖然今天落雨好掃慶, 好似入去只食左個下午茶, 但雨中感嘆號, 又是一個特別的經歷