沉悶但難忘的鳯徑十二段

 

鳯凰徑十二段

要低難度又要高顏值, 可以行的已經行左, 呢日搵左鳯凰徑十二段來行, 預左無咩風景, 只為做下運動吧

人山人海的東涌, 食個早餐

 

去排隊乘3M, 平時三架大嶼南的車佢最少人, 但呢日竟然唔係, 勁多人, 好彩有加班車! 都係等左半小時就上車。

我地係呢度落車,

 

經過無數次呢個站, 我地還是首次入去貝澳

 

大草原

 

水清沙幼

 

朋友仔話要去望下營地

我感覺係難民營般

橫過沙灘,

 

 要間水過wor, 兄弟

繼續前行

鳯凰十二段, 沿去十塱方向就不會錯了

 

斜路

見到呢度就要轉左,

 

轉右是芝麻灣郊遊徑, 上去老人山的, 我地呢日時間唔多, 就唔去了

一路天梯

 

呢日狀態不好, 應該說, 我的心臟表現很麻麻, 走幾級就要抖, 後來的人都超前了

天氣有成二十度, 好哂, 都幾辛苦

一路扯上去

偶然有開揚風景

 

回望見到老人山

 

有點沉悶而又攀升的路線

 

呢度叫有點風景

可以見到鳯凰山, 大東山, 二東山, 蓮花山, 應該係全個十二徑最開揚的一段

 

終於去到停機屏位置

 

會找到一個很矮的標高處, 叫大湖牛頂

 

我本身想係停機屏上食野, 哈哈, 周圍也沒有地方好坐, 好在沒有, 因為當我地開始食時, 真係有直升機下降!

 

休息後再出發, 開始下山了, 但到梅窩仍然迢長路遠

 

景色也單一

一路向下

呢個位要左上

終於有開揚位

有個亭

 

呢度係銀礦灣

 第一次咁樣望去銀礦灣

 

終於來到梅窩

去冬菇亭食飯,

 

但加了價又難食左, 朋友仔話下次不要再去

食完野臨住早些返出東涌,

點之走左班車 (之後才知味道)

要等多二十分鐘才有車, 去左食雪糕

朋友仔話我而家好少望星星, 實情是, 我呢年有幾何出夜街呢!!

準時六時三十分上車

其實我地揀呢條路線, 某程度因為交通問題,在梅窩走確保有位坐而且少人,不像大澳等車等到化灰, 但點之

我地未到伯公拗已經停低左。好灰呀, 後來才知前面有車漏油及撞了車, 等到七點半, 開始有人落車, 佢地打算行番去東涌!!

我地同其他人也開始研究, 究竟要行幾耐呢,, 地圖指示係1.小時, 有人甚至話折返貝澳, 再乘車去梅窩, 再乘船出中環,瘋狂了

 

朋友仔擔心我太少衫出面又太凍, 當時係十七度

但我的幽閉恐懼症又來了, 靜止的車廂讓我窒息, 其時車上一半人也已下車, 我地問司機如果中途通番可否讓我們上車, 佢話要有站才可以, 鬼都知啦, 然後八點鐘, 我地同一個阿叔一齊落車,

扯上去伯公拗, 也不算太辛苦, 然後開始扯落山

阿叔行得超快

星星勁多, 好美! 但影不到

 

來回的車都塞到暈了, 有很多仰面上來, 場面攪笑

奔逃半小時, 條路通番, 阿叔竟然中途攔截到我地架巴士, 司機又肯開門俾佢!

我地趕唔切, 就跑去下一個站

好彩也上到車

結果我地八時四十五分才回到東涌! 回到家剛十點!!

沉悶的鳯凰十二段, 但有末路走東涌路的一幕, 真係好難忘!