2月中, 心情仍受工作與自身所累, 腳雖然未好, 但仍想重啟山系長修課
只有大自然才可穩住我
一直諗緊去河背水塘定試下九徑山
最終決定試下九徑山
牛奶冰室早餐
呢日得十度, 但有太陽, 超好的天氣
由麥10終於開始, 呢段路行了九萬次
去到呢到轉右, 上虎峽谷, 我地一直MISS左點東西,
呢段路也行了好幾次
去到東升亭稍事休息
開始上天梯
望到好遠的發射塔就是今日最高點
迢長路遠,但我好開心
因為可以重上山系
朋友仔竟然發有吊鐘花!!
然後一路上,有很多山茶花不過謝了
一路見到好多吊鐘
山友話呢一帶係好多吊鐘,我竟然完全唔知!
我從來不知屯門係有咁多吊鐘花的
好感恩好激動
因為隻腳令我今年上不到大枕蓋, 有點悶悶不樂
但原來有些東西係近在咫尺, 只係我沒有發現!
不過因為很多級, 我行起來也是份外小心,
用左三小時登頂, 好難得咁快, 507米, 我地好有進步
腳傷後個多月一直沒有去行大山, 呢日可以去行我覺得好開心, 大自然真係幫到我
我覺得自己係毅力之巔, 朋友仔就話我係傻人之顛
係山上近日既煩悶有一點放鬆了
呢段路係好多花, 下次要來看山茶花
食完野沿路離開, 其他路去元朗或黃金也是浮沙碎石, 我不能再傷腳了, 就沿路折返,
回到屯市差不多六點
Dinner
席間講起自身的問題, 我竟然哭了, 如果呢輩子我欠一個人,一定係我媽媽, 我無法達成她的心願, 她想我幸福, 但我幸福嗎
這天睡得很差, 包括工作上的不愉快
究竟要怎樣才可釋懷呢
"不要低頭, 光環要掉下來, 你是女神, 手裡面利劍不要鬆開"
"他不過是個很小的舞台, 你配有大愛"
由去年年底開始 我心裡都像有一塊大石壓著, 透不到氣但又作不了聲, 心碎了幾塊的日子是怎樣熬過.......事情雖過, 但我現在還好嗎
沒有留言:
張貼留言