朱古力凍餅

可愛的小手將消化餅捏碎

 

坐溶d牛油

 

將牛油加入餅碎攪勻

 

做好餅底

 

倒入淡忌廉

 

加入砂糖打起

 

用凍水開魚膠粉,熱水坐溶

再加入整好的魚膠粉同朱古力粒

 

放在餅模內,雪五小時即成

 

原來開魚膠粉要很有技巧,好快凝固,令蛋糕饀料唔夠挺身,下次要改善下

多謝沙律同佢媽媽的鼎力協助!

製成品

砌完好耐了,呢排又拆散再砌過,哈哈,時間都無進步,砌得好慢

其實只有一百零八塊,都要砌個幾兩個鐘!

鑲起佢時間仲耐,真係要逐塊黏才夠實,

底板都勁靚!

愛上龍貓是件奢侈的事,哈哈,連個框都有一隻隻龍貓架!

真係好靚

Ant One@K11

呢度環境同食物都唔錯,仲見到歐錦棠!

龍蝦湯,咸左d

忌廉磨菇湯

鐵板德國咸豬手,好大隻

去骨牛仔骨米飯,好味

芒菓拿破崙,好味

 焦糖燉蛋芝士餅,膩了些

呢度甜品好精緻,好吸引,呢兩款好搶手tim,好彩我落主菜時已經揀埋,如果唔係好似我隔離個幾枱客,要揀其他了

唔知點解好多人話好食的Macarons,但我覺得味道很甜,唔推介

年假

拖左好多日,又唔係真係好嚴重,諗住慳d唔看醫生,但食極幸福傷風素都唔好,結果年三十諗住去看醫生,點知要等30幾個人,把心一橫,去看中醫,最緊要係唔洗等,但食左兩日中藥都唔ok,原來有些錢係唔可以慳,結果年初二打去掛號,早上十時多打去,要等到晚上九時才有得看,十一個小時!!有成八十個人係我前面,仲耐過輪急症,我930看完,後面還有三十多人,都唔知佢地係咪要看通宵,好恐怖,雖然要加什麼新春附加費,d姑娘又燥爆,但諗諗下,人地新年都要開工,係要俾錢人賺…….呢個教訓就係,因小失大,早些看,又唔洗咁貴,又唔洗病咁多日,真係搵o黎攪

我咁急住要好番,唔係因為要返工,而係因為book左枱食我地新春開年buffet,哈哈,因為好難就細佬的更表,所以唔改得日子了,點都要令自己以最佳狀態去食餐勁!!

我地又去左都會海逸,因為弟弟有員工優惠,有八折,都可以接受啦

而家佢的生蠔係order,即叫即開,感覺更新鮮與衛生

雖然甜點唔多食得,但熱葷已經令人好滿足

 

周遭很多人都病了,想必是天氣太反覆了,大家都要保重,希望兔年個個身體健康,開開心心,豐衣足食!!

 

虎年團年飯

出街食團年飯,人多,地方淺窄,貴,時間迫,廚房又亂

但香港人  似乎都習慣了

一年一次  大家都無咩所謂,最緊要係一齊食個團年飯

貪吃的我吃了四粒湯丸,令本已不太理想的喉嚨更加唔妥…………貪吃之過

今日亦都完成了一項艱鉅的任務,徹底失敗,哈哈,不過要收爐了, 兔年繼續努力

預祝各位新年進步,身體健康!!

雄心壯志

一直以來都好鐘意食,尤其係蛋糕甜品呢樣野

可惜屋企地方少,放部焗爐都無位

所以好少機會整到蛋糕

最近屋企要換飯煲,我地就買左個可以焗蛋糕o既飯煲

雖則我都知效果一定無焗爐咁好

但叫做俾我玩下啦

上網搵左d專用電飯煲焗到o既蛋糕食譜

今日整o既係芝士蛋糕

呢度係兩個蛋糕的材料,哈哈,因為我搵資料時,發現有個朱古力凍餅都都好整,所以買材料時,就順便買埋,我雄心壯志咁”認為”, 我會好快整第二個(希望唔好得個諗字)

材料：
1. 忌廉芝士250克
2. 牛油25克
3. 糖75克
4. 蛋黃4隻 & 蛋白4隻
5. 牛奶1/4量杯(60ml)
7. 麵粉25克

做法：
1. 電飯煲內鍋掃油
2. 忌廉芝士, 牛油和50克糖打至忌廉狀

3. 混入蛋黃, 牛奶(太混亂的關係,我將pt4同pt3 調轉左做)

4. 麵粉篩勻, 慢慢地捲入芝士混合物內
5. 蛋白與剩餘糖打至挺身, 徐徐捲入芝士混入物內
6. 芝士糊 倒入電飯煲內鍋焗45分鐘

因為唔知自己有無咁o既恆心,所以整蛋糕應該有o既量杯、磅呀全部都無買,我係憑感覺去決定份量咁制,哈哈

仲有8分鐘,好緊張!!!

 

 

好香牛油同芝士味呀!!! 個邊有少少燶

 

 

可能我無放涼才倒出來,倒出來時出了點意外,另一邊黏了少少底,可能掃油亦掃得太少了

賣相是衰了些,不過味道出奇”正常”,因為材料全部都係憑感覺去估量的,我好驚佢一係太甜,一係無味,點知又ok wor,在此也要謝謝媽媽一路監察住我,幫我估埋一份!

唯一覺得有問題係幾軟身,好像多了水份,較濕身,係邊度出錯呢

 

趁今晚做節,我切了一半迫大家食,哈哈,屋企人始終係最肯俾面的人,好”艱難”咁幫我食左佢!

令我很意外是,父親竟然說好吃,真係很意想不到

誠實的小樂兒就好誠實咁講, 唔好食………., 果然童言無忌……..

 

我會繼續努力,下次要整朱古力凍餅!!

借東西之小矮人@亞莉亞蒂

對宮崎駿一向都很放心

借東西之小矮人@亞莉亞蒂　的宣傳雖然不太厲害

但個人認為好看過波兒

宮崎駿近年都走溫情路線

其實也真的很懷念天空之城、風之谷、千尋的年代

借東西之小矮人故事很簡單　並不是有什麼驚險刺激的歷險的情節

但看得人很舒服

兩位主角的友誼很真摰

也很有教育意味

它已可解一眾宮崎駿粉絲的相思之苦，哈哈

聖誕節砌了兩盒砌圖(一盒鬆弛熊,一盒hello kitty)……….攪到好想再砌!!

記得讀書時成日都砌，出來做野之後就無砌過了………

好鬼靚………..

係龍貓同天空之城之間,我揀左前者

Happy Together IV

我的意粉屋會員証就快到期,諗住食埋張pizza coupon就算,點知埋單先知我的積分已可以換到一個下午茶套餐,仲要二月到期,唔通又要來多一次?

佢今日來左市中心

霸王山莊

呢個蜜汁火腿夾餅好好味

生日飯@壯元坊

雲吞雞

叉子燒餅併鴨崧

預祝母親生日快樂 , 身體健康!!