學煮飯篇之洋蔥蕃茄炒蝦球

閒著無聊，又跟媽媽學下煮飯啦

今天會煮一個洋蔥蕃茄炒蝦球，蕃茄同蝦都係我至愛呀～～材料好簡單，呢個係4人份

首先將洋蔥同蕃茄切片待用，蝦就要洗淨剥殼同除蝦腸，蝦頭唔洗浪費架，可以留作熬湯，平時用來煮麵或者餃子用～～

之後要幫蝦調味，糖一茶匙，鹽半茶匙，粟粉1茶匙，胡椒粉少許，醃三十分鐘～～

將蕃茄煮至軟身，盛起再壓至泥狀，再調味，糖2茶匙，鹽1茶匙，粟粉1茶匙，蒜蓉2湯匙和3湯匙清水，拌勻待用

落鑊煎蝦球，呢度我落得太少油，有少少黏底，大概炒三分鐘

跟住唔得閒影相，大致係將洋蔥同蕃茄泥落鑊一齊炒，攪掂！

我的製成品～～賣相差少少，但好香，味道也很好！！好喜歡自己調這個蕃茄汁！！

 

總結賣相點解咁深色，媽媽說可能我用了紫洋蔥，下次用番黃色那種應該會好d，又上了一課！！繼芝士蝦之後又一力作（明明都只是家常菜式，又講到好勁咁～～俾我自己陶醉啦，好日都唔煮飯～～）下星期我話要煲湯，媽媽話聽住先～～