平時除左約人放工食飯會去下尖咀外，基本上星期六日都好少去呢度，因為實在太多自遊人了！今次因為要等睇演唱會，紅館附近又無咩好野食，所以決定早少少去尖咀逛逛，順便食個早飯。嘩，真係堅多自遊人，我真係好驚咁多人，非常之煩，行行人決定搵個地方食野算，實在唔想留響度咁耐！點知大家都無咩心水，又唔想打邊邊，又唔想燒烤，又唔想食生冷野（聖誕那陣子太瘋了，太熱氣，而家要養生番少少，哈哈），好像無咩選擇，諗住落去尖東之際，竟然俾我地發現左佢～～
價錢幾宜人wor, 晚餐只係六十蚊？？呢個平時係午餐價，唔通因為係地牢舖所以平d ？就落去睇下咩環境先～～
是一個書店加cafe，我一見到就好鐘意！重點係無咩人！！加上本身都好鐘意佢d蛋糕，就決定坐低！！
呢度全部賣的都是日文書，而cafe裡的書可以任睇，雖然全部日文，不過真係好寫意，看看漫畫公仔也可以消磨好耐！！
收銀廚師清潔一人攪掂，好勁呀！！
六十元一個餐已有沙律主菜和飲品，在尖咀那裡可以找到？而且味道很不錯！
加＄28換了一件焦糖脆米蛋糕，好好味！！
我地坐左兩個鐘，一個好寧靜同舒服既地方，唔會有人在等位（在starbucks或者隔鄰街的Charlie Brown也太多人了吧），也不會有人大聲喧嘩，我完全feel 唔到呢度係尖咀啊！！如果唔識日文，其實也可以帶本書來看，再飲杯野食件蛋糕，so nice 呢～～
係尖咀要等人或者hea時間，唔想迫可以黎呢度呀～～推介
沒有留言:
張貼留言