2021新春大枕蓋賞吊鐘花

連續第五年上大枕蓋看吊鐘花，這彷彿已成了新春的山系項目~ 

疫情當前，猜想從前不太熱門的大枕蓋也會變得火紅，本想放棄，唯今年繁花開得特別燦爛，朋友仔好想去, 咁人多就人多啦, 最終我們決定係過年前去, 仲要請假平日去, 希望可以避到少少人潮, 咁最終係幾多人呢?

因為我地想食個團年飯, (當時六點後禁堂食), 我地要趕係六點前返回西貢市中心, 所以行程都好趕

飛快食個早餐, 就乘車去西貢市中心, 去到碼頭當然都係人滿之患, 轉乘黃石碼頭的車亦全車爆滿

九成人都係上窰落車, 即係大部份人都係去大大枕蓋!

如果大家想去個洗手間, 建議係北潭涌或者鯽魚湖落車, 有公廁, 行番萬宜凹都係同上窰落車相差少少時間, 今次我係鯽魚湖落, 諗住少人dd, 但個公廁又不是特別乾淨, 好像北潭涌還好一點

呢日天氣好好, 二十度, 有大大的太陽, 以前行上萬宜凹的一大段斜路都會扯蝦, 如今雖然也不是特別勁, 但二十分鐘斜路已不太需要休息, 不過遊人絡繹不絕, 很多後來者都超越我們, 證明我們的體能仍然很一般, 要繼續努力。

去到個亭通常會執整下, 攪好裝備就出發了

 

大枕蓋高408米，路況還好，從前的泥石路（某些路段要手腳並用），這些年已舖成很好走的水泥石級路，

其實都幾甘

很快會有好風景

沿路都係好多人, 好多人, 行左咁多年我未見到呢度有咁多人! 真係多人過拜山咁, 啋!

 今次來見沿路安裝了欄杆和椅桌＠＠昔日的叢林景致彷彿又再褪了點顏色。

呢度有第一棵吊鐘王, 但太多人影了, 甚麼興味也沒有, 不過真係好靚!

行左一大半, 我又開始感到腹痛了(講番之前已痛左一星期, 出發前一天好像已無咁痛, 咁就照出發, 點知一上山又來料), 好彩帶備了止痛藥, 即刻啪定先!(之後真係災難…)

不用兩小時終於攻頂, 人真的太多, 我又要戴番口罩

大枕蓋山頂視野極為遼闊，可俯瞰整個萬宜水庫由西壩至東壩乃至長咀蚺蛇尖的景色，是放空舒心的好地方～（個人認為相比看花，這點更值得你前來）聽聽海聲風聲，看看天涯海角，其實已可待上半天。也許只能在這片空間，我還能幻想著，You are still alive~

好艱難才找到個位置吃午餐, 呢日亦都係超大風

以前上來真係可以任影, 但呢日太多人, 其實我無咩心機影

今次除了來影花，還可以來影人海，

 

下山路係吊鐘群生長地, 真係好多好靚, 來了這麼多年今次真係最靚, 不過遊人太多了, 我不喜歡排隊影相, 都係快快影完就算

 

然後開始下山, 仍然吊鍾處處

腹痛加劇了(藥力又已過), 堅持了一會, 但沿路沒有椅子, 終於求其找了一塊地就坐著了, 朋友仔話咁潔癖也坐應該也堅痛, 咁會有假的嗎??  

 

因為要趕返出去市中心, 坐著一會便撐直身子繼續走, 去番大路也不等巴士了(驚無位), 朋友仔好好俾我乘的士, 也好彩我都截到一部紅的, 等我可以休息一會

去到市中心四時多, 可以吃我們的團年飯了

性價比高的海鮮餐

因為太痛(已經再食了止痛藥), 快快吃完便離開了, 回程途中真係痛到一個點, 就好像下腹扭著毛巾就要扭斷一樣, 又想嘔又手震, 這究竟是甚麼一回事呢? 這晚即使做了這麼多運動也睡不著, 痛得真係懷疑人生, 當止痛藥都快要完全失效時, 我仲可以點攪呢? 身體健康真係無價, 運動真係有幫助?

雖然呢日係痛住完成, 但我仍然好開心, 西貢真係我的最愛, 在這裡, 煩惱可暫時放在一邊~~

下一年繼續賞花啊

 

路線：鯽魚湖—萬宜凹—大枕蓋—鹿湖郊遊徑-北潭路

需時：5小時　

難度：3星(以5星為最)

景觀：4星 (以5星為最)

長度：約6.5公里

 

療癒的大自然

山上沒訊號心靈最自由

最花花的旅途

山系阿禪