洪水坑水塘尋神鵰石

偷懶了一段時間，發現原來過年的行山記還未寫！怠惰得過份!!

當時係二月了，疫情還頗嚴重，而且係公眾假，不想跑太遠，就係屋企附近行下吧，但要找些冷門點似乎有點難度（當時行山幾乎已是全港市民會做的事），揀下揀下，就決定去搵鵰兄～

其實去年行洪水坑時，已想去探訪神鵰石，但當時搵唔到路最終放棄，今次做好資料搜集就出發吧

食個靚早餐，晨早流流已坐滿去郊遊既人，我當時諗，神鵰石雖然比較冷門，風景一般，但呢種時勢可能都會勁多人行，咁最終又係點呢

從鍾屋村出發，

可以直接前往洪水坑水塘的非官方山徑，沿路均為平坦山徑，十分易走，

 

途中仲見到一棵車輪梅，意味花期又開始了，這段路已走過好幾次，所以都係快走，沒有多作停留～

半小時已可走到洪水坑水塘，相對其他熱點，呢個水塘唔算太多遊人，可以靜靜享受當前美景～

繼續沿水塘末端覓路上山，

起首一段坡度也大，有很多由越野電單車造成的深坑，或風化而成的溝道，也有不少浮沙碎石路

稍為上到一個平地,轉右

好彩做了資料搜集，沿路亦有資深行山友教路，否則其實都容易miss左點路口

此分岔口要轉右下山, 繼續沿前方, 見絲帶再上山

 不多久極目望向右上方，便能遠眺到如微粒的神鵰石，由於沒有路標，要靠沿路的絲帶和朝著神鵰石方向找路

什不好走, 這天穿了一對新波鞋, 跣到扒街

接近神鵰石的路更有點崎嶇難行，要當心啊～(我覺得真係幾難行,也頗危險)

 

出發前以為會有很多遊人來尋石，結果上山路只遇到四組遊人，在石上休息時更像包了整個山頭一樣，可能大家對看石也沒有多大興趣吧(其實我也興趣不大, 哈哈, 但我只係唔想同人迫)～

 

神鵰石下方就是大陂板同大班椅石，有能力者不妨下去探秘～

本想繼續前往公痷山，但聽聞路況更崎嶇，我們還是決定原路離開，下山比上山似乎更難，跣了很多跤(行蚺蛇尖也只是跣了一次!)

呢段路好多松樹

心想這段山徑不如想像中容易，付出收穫不對等，翻叮指數應是零。

返回水塘之際，卻見幾個大人帶著一班小朋友出發前往神鵰石，且步履輕盈，毫無難度似的，廢中青真係頗廢，要繼續努力了

行完山吃個下茶係一大樂事

 

路線：鍾屋村—洪水坑水塘—神鵰石（原路折返）

需時：4.5小時

難度：3星 (以5星為最)

景觀：2星 (以5星為最)

長度：約7.2公里

#提升免疫力 

#避人潮之選 

#當楊過也等到小龍女

#我沒有等到

#山系阿禪 

#受傷小肥與我nevergiveup 

#山系fullgear 

#著錯保護色