在東涌食早點，指定動作，都係去飲個茶
乘3Ｍ到達梅窩，車程約需四十五分鐘
銀礦灣
今次都係book 番銀礦灣酒店，雖然當時仲未游得水，好像有點浪費了個泳灘，不過情義結嘛，我很喜歡在這個地方，所以今次假期都係揀左呢度
去到未夠十二點，打算擺低行李去行一陣才回來check in，點知竟然可以攞房(上次來的時候可能正值暑假，真係要等到三點先可以攞房) ，真係好開心呀，我地book 既係新翼海景房，連自助晚餐同早餐共銀約＄1,700 , 當然比好多年前貴左好多，不過加埋一餐自助晚餐，其實亦算合理。而職員亦很好，他堅持叫我轉舊翼海景房（不用另外收費），話設施景觀都比新翼更好，糾纏左一陣，決定信佢啦。點知舊翼原來真係翻新左，有企缸（新翼的仍是浴缸），而且直望銀礦灣 !很好啊！
窗外景色
放低行李，就去租單車，都係去張記租，一架四小時四十元，ok 啦
踩上去瀑布前，醫下肚先
呢隻狗企左係我面前好耐～～
好可惜，貴得來又不太好味
踩上去銀礦瀑布，現在已經很熟悉了
遇上牛群
今日好大水呀～～勁靚
我掛念的小水池
泊好架單車，行上去礦洞先
家陣好多人既得團體話要發展大嶼山，又話要開放番銀礦洞，在梅窩攪甚麼滑水梯設施，其實一動不如一靜，梅窩得天獨厚就是因為它仍未過度發展，我們喜歡它不是有甚麼水上設施，我們喜歡它是因為它的寧靜自然，請不要將它變成另一個長洲好嗎！
再往上行
被封了？怎麼又是私人地方？？
唯有折返另一邊
被櫻花樹吸引過去
還沒有櫻花的樹
很大的瀑布啊，能走過去嗎？？
為什麼又是私人地方，搵條木欄住條路，太霸道了吧，肯定是生人霸死地，我們去不到那瀑布了，憤怒中！！
又再折返，有新鮮蔬果賣，可惜第二天才走，否則可買些番屋企
呢度係通往東涌的路，但我們沒有去了
看到個牌嗎，又被封！！
決定返回銀礦瀑布!
踩番落去，今次決定不走原路
這段路更寬闊更好踩
這是甚麼來的，好想玩啊～～原來是祈福活動，一心打算吃完飯才玩，點知~～
還車後，開餐了，這間酒店餐廳的自助餐質素越來越好，有我喜歡的燒烤＠
點心狂迷
呢度甜品就麻麻，不過才二百多元一位，都應該收貨吧
仲有人唱砍，氣氛很好
飯後出去逛逛
見到有人放水燈呀，好靚呀，晚上的水燈有光的！！但櫃枱已收工？？飲恨呀！！
球場有大戲做，幾有趣，我地都＂偷望”左一陣
第二日天氣好和暖，所以決定坐室外！！
好舒服，很有渡假feel
對住個海，別有一番風味，早餐特別美味
再去番水燈位置，counter有開呀!決定買一隻祈福，盛惠＄98 , 可以在水燈上寫上祝福，不過日間的水燈不會發光的。水燈有好多種顏色，我揀左黃色
可能無咩人，工作人員俾左好多時間我地影相呀
可惜一放入水中，三秒即反轉，唔係呀化~～不過志在玩下啫，心誠則靈（自我安慰中）
Check out 後 ，我地決定去長沙走走，朋友仔好想去行下
我地乘坐往大澳方向的巴士，約半小時到達
真係好大呀個海灘
去醫下肚先，都幾好味，人均消費約＄100
餐廳有個魚池
繼續行 ，中間有很多呢d小河分隔兩邊，不想濕腳要想想辦法
地勢很特別
這手鐲是買水燈時送的，很美
真係有點累，長沙真的很長啊！！
到了盡處，要離開了，等了四班車也滿坐，好彩有一個特別車開出，否則可能要 call taxi 了
我很喜歡大嶼山 ,尤其是南大嶼, 希望它永遠可以保存寧靜與自然 , 為香港人第二個後花園吧
好詳細呀！得閑去企馬路！哈哈。
回覆刪除