大棠郊野公園燒烤家庭樂

 講左好耐，決定要來一個燒烤聚會，呢個復活節成事了！！今次決定去大棠郊野公園

為左霸個靚爐（公眾假嘛，真係驚霸唔到爐），決定身先士率，一早上去霸爐！！

我七點鐘已經去到元朗西鐵站，你話有幾早！！早過返工

舅父堅持要食個早點

買左少少物資，我地就乘的士去大棠郊野公園了，車資約＄50

八點十分去到，一粒人都沒有呀（之前聽的士司機講過過左九點可能會無咩爐，嗯，呢日有點不同了）不過因為之前一日都係公眾假，好污糟呀，通地垃圾，點解可以用得咁污糟架

雖然好似來早左，不過唔緊要啦，我地可以慢慢揀爐

 一開始揀左呢個，我地仲晨早係到清潔香港！！

點之執完一輪就見食環署職員來清理了，我地真係太攪笑！！

這還不持止，舅父行下行下，又話都係另一個爐好，下，我咪幫他人作嫁衣，仲要執餐死，暈！！

最終揀左呢個

兩甥舅打發時間中

十點幾，大夥兒終於買齊料上到來，開餐！！

太貪心了吧

超好味

加埋野餐，正！！這片草地很不俗！下次用蓆會比較環保！

小最愛為大家剪牛扒

條魚著火！

但裡面的肉很juicy

 

大家好忙呀

最後來一個腐竹雞蛋糖水作結

走的時候因為無咩野拎，我地決定行落山！！當消脂，不到半小時可到巴士站，再轉巴士返元朗

很久沒有玩得這樣開心，辛苦早起身也很值得，期待下一次！！