2018初冬啟步禮之流水響

呢一日好開心, 因為係重光日, 即係完成哂治療後第一個踏足大自然既日子,

因為皮膚比較不適, 剛康復又不敢太博, 咁我地都係搵左條輕鬆路線去走, 雖然我好想去分流!

最後還是決定去我們很少踏足的新界北, 今次選了有香港小桂林, 天空之鏡既流水響為第一炮

早餐是茶記, 也不錯

 

之後去到粉嶺的小巴站, 乘呢架便可以, 不過閒日班次不多, 也等了一些時間, 係等既途中才醒起, 十幾年前我也曾在這附近見工!!!我的見工生涯真不容易!

上車後我地都大安旨意, 跟人落車, 點知大家都落錯車, 哈哈! 落早了一個站

 這裡有一個小村落, 環境這麼美

但我地係要行上多一條斜路

呢個位才是下車地方, 大家要留意

 

一直有少少斜, 不知太久無行定身體差了, 走這段路我竟然感到有點累! (誤: 其實唔難行架)

呢日雖然話係12月頭, 但都有廿幾度, 好彩我著了短袖衫, 行了一陣已急不及待取外套!

蟻堆, 恐怖

行了十來分鐘便到了!

雖然無咩陽光, 但仍然影到好美的倒影,
真係好清徹

來一張全景

再沿路走走, 倒影好靚

 

過此橋便可到另一邊, 

 呢度又要狂拍照的地方

 白千層

紅蜻蜓

 

我地係度食少少乾糧

本來打算行去鶴藪水塘, 但我地行錯左另一邊 (正確應該要行流水響郊遊徑)

但我地行左去桔仔山方向

  

去到呢個位先知同鶴藪水塘完全相反方向

咁我見有點攰, 決定也不上去坑山, 決定行去大埔公路離開

乘小巴返到去大埔墟, 食個遲遲的午餐

朋友仔興之所至(我地好少行山行到咁早就返出市區), 咁時間尚有, 提議去鐵路博物館

又要拍照的機會

因為有點累, 決定坐巴士先返去元朗, 然後才再轉車, 點知呢程巴士堅長途啊, 足足有五十幾個站, 仲要在元朗塞車, 我地坐足成個半小時才去到元朗!

返到屯門食埋個飯就回家

 太興豬肺湯, 也不錯

完成了開心滿足的一天, 大自然, I am back la!!! 呢次初試體能, 下次要去看更美的風景!