龍蝦灣郊遊暨獅子座流星雨

元旦日，新年開心啊！第一篇就寫個遊記先！

我明天返新工了，希望以後都會好好的！我愛的人也要健健康康開開心心。

呢一日因為有獅子座流星雨，而且預測出現時間比較早，大概係晚上８點半，咁我地見唔洗挨更抵夜，就決定來一次流星雨之旅。咁早上去邊好呢？小小的人剛康復，都係搵些輕鬆的行山路線，最後敲定從未踏足過的龍蝦灣郊遊徑，由大拗門出發，途經大坑墩、大嶺峒至龍蝦灣，沿車路返回大拗門，然後就打算乘車去附近的布袋澳食晚飯，再乘的士返回大拗門看流星雨，節目好豐富啊！這還不單止，難得朋友仔請了一天假，早上我地仲去埋川龍飲早茶！勁呀! 九龍新界一天遊!

呢日好凍啊，真係只係十度左右，我地一早乘小巴上川龍，

坐不到露台位也不緊要，因為真係好凍(剛來的時候是坐滿人,我是等客人走了才影的)

西洋菜不俗啊，每次來也必點

真係得十度咋

天氣凍，幸好豆花仍暖暖的

因為節目太豐富，我地逛了菜田一圈便下山了

轉車去到鑽石山再轉車去清水灣，呢日乘了很多車

到了！

要步行二十分鐘入大拗門

好靚啊，久違了的大拗門，上次來已經是七、八年前的事？

時候不早，要起行了，

龍蝦灣郊遊徑全長雖只有6.5公里，但起首要步行梯級登上291米高的大嶺峒，原來辛苦到一個點，我坐下休息的時間那止十次，有好一陣子我覺得好頭暈，更曾想過不如折返，朋友仔都驚我捱不住，真係今不如昔，鍛練多時的體能一下子散失了，走上十小時分流之旅仍沒一句呻暈的我，去了那裡呢！要好好追番我的體能啊！

沒完沒了

 

但沿路也有好風光！

幸好我地也不心急，抖下行下，人家就半小時，我地就多走一倍時間吧，最終戰勝呢條天梯，上到山頂！

登上大嶺峒後沿路可欣賞一望無際海闊天空的景色，360零死角的海景，大愛也！之前的辛苦頃刻又完全忘了

我地最愛的天高海闊！

吃午餐，望著如此美景當真是一流的享受

慢慢下山！

 

不多久見到騎術學校

來到龍蝦灣風箏場,呢日好多人來放風箏

慢慢行番出去，行左半小時，覺得開始好攰，不過想搵架的士也不容易

 

最終走了四十五分鐘，截到的士去布袋澳　（呢次龍蝦灣山路我地行左四小時左右）

來到也已經天黑

久違了的布袋澳啊

去吃海鮮了

海鮮湯美味, 寒冬中嚐碗熱湯,正,而且是免費的

魚很新鮮

蟶子也不錯

菜太辛辣了，幾乎食不到

食到差不到，我同朋友仔講話不如早些去霸位，朋友仔話唔洗啦，邊有人來看

點之～～～

好不容易截的士入番大拗門，嘩，係勁多人囉，好塞車呀，相信仲熱鬧過中秋呀

我地好辛苦搵到個位坐，無錯，咁大地方都要搵得好辛苦,可想像人多到呢!

可惜呢晚好多雲，近乎無咩可能見到！星也看不到

幸好朋友仔還是首先看到一顆流星！！！

而我跟住都見到一顆！

呢一撇究竟是不是呢，我自己也不知道！

最終朋友仔見到３顆，我見到１顆，都實在不枉了！

月亮也美

大概九點，全遍天空也給雲遮了，天氣又越來越冷，我地知道要等雲散可能要好多個小時，咁決定走了，點之行返出去大路時，人潮卻繼續湧入大拗門，真係好誇呀，我地幸運的截到架的士，返出將軍澳地鐵站再轉車走。

呢一日好開心，可以去川龍飲茶，又去左行山看大海景，仲要看埋流星，真係很開心很滿足的一天！希望以後也可以有多些機會去郊外走走！和你再看流星!