2018hea爆台北四天遊~Day 2

今次好好呀,大家一早有共識, 要輕鬆為主, 所以我地沒有set鬧鐘, 自然醒, 太好了!!!!

咁我地九點幾先落去食早餐, 係呀, 酒店包埋, 當然要食啦

也很豐富的

酒店的交誼廳

 

我地酒店大門

食飽飽就慢慢出發

我又去了扭蛋, 早說過, 不要說出你不想抽到邊隻, 因為我真係又係抽到最不想抽到的!哼

好了, 真係行左不少時間才去到捷運站, 因為中途真係在不少店舖逛逛

我地而家要去食飯團!對是在網上推介的!

我地係要去呢個站捷運信義安和站, 本身應該係5至6個站, Y小姐見到去淡水的車便即刻上車, 咁我地一路吹水, 又有位坐, 好舒服, 但搭下搭下, 我覺得點解搭左咁耐咁既, 再望下車上的路線牌, 我地塔錯方向呀! 撞鬼, 我地應該係向象山方向才對, 也太攪笑了吧, 我地真係差不多到去淡水, 哈哈!

咁即刻落車塔番轉頭, 係呢度梗係要影番張相留念啦, 三個低能人! 本身乘5,6個站, 我地結果來回差不多乘了二十個站才去到, 低能!

 我地的真正目的地

 

就係呢間米販咖啡, 佢主打食飯團, 應該係Y小姐杯茶

好彩大家都好滿意~

呢個甜甜的橙飯團, 是因為我地打咭而送的, 好好味

 由一杯靚奶茶作結

食完我地又乘車逛永康街, 呢度我來過一次陪人吃沙冰, 今次來是陪她們買茶葉同逛商店

大家都有少少收穫

來到了呢間賣茶葉的地方, 我都有買!

我地就出發往敗家街, 即係忠孝敦化站! 呢個站我地每一次來都會破產!

我很掛念的Brownie, 不過因為太飽, 我沒有買來吃

最後我同Y小姐都有買到野, 但敗家天后C小姐唔知係咪因為唔太舒服, 竟然沒有斬獲, 太令人跌眼鏡!

這是敗家街, 有點物是人非的感覺

好了, 大家都有點累, 哈哈, 年紀大了, 決定返台北車站食野, 雖然只係九點左右, 但好多食店已不讓我們入座, 我地最終求其地搵了間吃日本拉麵算, 也不錯吃的

咁跟手我地外賣糖水返酒店吃, 返到去大約十時多! 這樣才像話吧, 我真的很怕11、12點才返到酒店休息!

點之真係好甜好甜係極甜!!! 佢地吃粉圓我吃湯圓都不能完成, 呢間野大家唔好試呀!

呢晚我地落左櫃枱去訂手信, 預計明天便可收到, 方便!

咁攪下攪下又成兩點先訓, 呢晚叫做訓得好少少