又來到年度大枕蓋尋吊鐘花之旅~今年天氣太熱，花期提早開始，早兩星期又沒有時間前往，所以錯過了最佳的賞花時間，即使如此，看吊鐘花係我地傳統嘛，都決定上去睇下啦！
呢日仍然係新春期間（但都差不多新十五了），嘩，酒樓好貴啊，比平時每人貴二、三十蚊
飲完茶就出發了，二月呀，竟然有二十五度，熱到呢，我地都短袖上陣！
去到西貢再轉車，多人到呢, 等第二架才上到車
我地係上窰下車，
一路向上行，咁耐無做運動，又熱又哂，走起來也頗攰，
走了二十分鐘，終於去到涼亭，
沿路見到有消防及救護車，原來救護人員也要去大枕蓋！他們分秒必爭的上山，我就嚷著要抖下先，因為剛才那斜路已令我覺得好攰！
稍事休息，就正式出發了，呢度係上山之路，不要miss左梯
坦白說，以前走這段山路我不覺太易，但總算不太難，但今次走來我是覺得極辛苦，天氣熱，身子可能未恢復？我一路走就一路休息，幾乎每隔十分鐘，像更少，便要停下，只覺得上氣唔接下氣！
但很快還是有好風景
不過我真係覺得好辛苦，越走越慢
呢度差不多呈70度咁斜，有行山人士在左邊拉了一條繩，讓遊人可以借力，以前都覺得好難行，但今次我係覺得自己提不動身子上去！
花了十來廿分鐘才走完這條咁斜的路段！抬頭望，天空這麼美！
還沒有見到吊鐘花，但見到正在盛開的車輛梅（報春花），也很開心，我又掛住分流了！
但還要走多少山頭？
我真係攰到一個點！
天氣沒這麼熱時，我們大概用兩小時便可登頂！但今天，沒可能！
差不多三點，我要吃東西了，沒有樹蔭也要坐在地上吃，太攰能量已用盡！
吃飽飽，再向上走，
終於來到了！！！408米高的大枕蓋，我們來到了！
比以前多走半個多小時啊！
好靚啊１
我每次來這裡也要影的造影照！
在這裡發現第一棵吊鐘啊！！
呢日遊人很多，大家都在尋找吊鐘，我地稍事休息便下山，呢度亦到吊鐘群的聚居地，果然皇天不負有心人，雖然來遲了，但我們還是找到一丁點少少仍然等待我們的吊鐘啊！
有個少女一人行山，她問我們那些是吊鐘，咁我地就一直在找！一見到就影相
呢棵是什麼花，好靚啊
差不多四點半，要趕緊下山了，不然又天黑！
今次朋友仔決定走回大路
出番巴士站已
返到出西貢就去吃麵了！不過今次見到她們處理食物的衛生情況不太理想，雖然吃了這麼多年，但我已經有點猶疑了
今次去雖然只剩下寥寥無幾的吊鐘花，雖然如此，我地依然好開心見到這些滄海遺珠，加上正在盛開的車輛梅（報春花），總算不枉此行！感恩大自然送贈我們的～
呢日真係好熱，走上408米高的大枕蓋堅抽辛苦，難得我們仍然堅持完成旅程，要俾個叻大家！
我的體能好像不算回復得太好，要繼續努力啊
未試過二月上大枕蓋要短袖上陣，熱到一個點，地球病得很嚴重，我們也真要好好反思～
約好了，下年要再來看花！！
辛苦也值得
回覆刪除