hea遊曝罟灣起子灣

呢日天氣時晴時雨,咁我地都博下啦,出發往西貢
 
先去食個西式早餐先, 不過呢日好多人, 要塔枱, 坐得不好。

呢日因為係公眾假, 都幾多人入西貢
我地坐 96R, 不用在西貢轉車, 是直接入北潭涌的,方便

抵達北潭涌

因為天氣熱, 我地純粹想行下, 所以行家樂徑

一路不難行, 有樹也花有小草, 景色不錯,

這裡有很多落花, 好靚

 

簡簡單單, 易行, 不過呢日時有微雨, 天氣有點悶熱

 

呢段家樂徑約行了一小時
我地轉戰起子灣同曝罟灣

 呢度見到車輛梅

呢度很多年前走過, 一路平坦

之前去到呢度就折返, 今次我地繼續向前行
往起子灣方向

 
有魚有蟹

有我喜歡的小黃花

景觀開揚

去到呢度朋友仔說如要去曝罟灣就要轉右(我們開頭既目的地係曝罟灣) [註:之後才知,去曝罟灣真係左上呀)

雖然有點疑慮, 我覺得係左呀, 不過信朋友仔囉

去到呢個碼頭, 堅係起子灣, 雖然行錯, 但呢度無咩人, 好舒服, 我地決定係呢度吃午餐

看看海, 游魚同蟹仔, 吹下風, 已經可以樂透半天
朋友仔話下次來呢度釣魚~
 
咁我地行返出去, 去番剛才分岔路左上, 但呢面真係無敢好行, 好多碎石, 

行左二十分鐘左右, 見到呢到差不多到

不用五分鐘便抵達曝罟灣

嗯, 可能遊人太多, 好難拍照,

而我個人覺得, 都係雜誌吹得太誇張, 我又不是覺得好靚
不過叫到此一遊吧~再來指數不高
 
返出去上窰巴士站差不多要大半小時, 不過苦等左一架巴士竟全滿, 上不到
記住返西貢的車好疏落, 接近半小時一班, 唯有繼續等,  好彩我地最終截到架小巴, 爭到上車,因為再等巴士也未必有得上(因為五點多係返西貢既高峰期, 當時由黃石開出的巴士, 多數來到上窰已客滿)
(實情我同朋友仔已等了半小時, 期後越來越多人, d人又唔排隊, 唯有爭上去)
咁樣一攪, 差不多六點才返到西貢
諗住第二日要返工, 就盡快返出市區, 點知又遇上西貢大塞車, 真係黑! 足足又用了大半小時才返出市區, 呢日真係好舟車勞動啊
是日quick dinner

是日景點景色一般般,未去過去下也無妨, 不過我估我地未必會再去了