大帽山 - 四方山 - 城門水塘 - 迢長路遠之旅

終於寫到三月尾的行山記

回想去年十月想去看芒草，但又不想和人迫大東山，就打算去無咁熱門既四方山行下，但因為無用心做資料搜集，錯入路口去左虎蹤徑，最後仲錯信絲帶，走左入荒徑，最終敗走四方山，係第一次要中途折返既失敗作。

今年三月揀啱番條線，終於去到香港第4高峰的四方山。

首先去食個靚早餐，但味道不好。

閒日請假去行山，都係勁多人，今次係荃新天地附近上車，叫做迫到上車

我地係大帽山郊野公園落車　（除了川龍，大部份人都係呢度落）

其實講到係香港第4高峰的四方山 ，都係揀左個慳力點的方法，山友喜歡在城門水塘出發，經鉛礦坳上四方山，然後攀上大帽山，再返回大帽山郊野公園離開，非常考腳骨力，我地就調番轉行，咁樣總攀升的幅度會大大減半。

在海拔約400米的大帽山郊野公園出發，

係公園執整就沿車路走

呢日天氣好熱，差不多有三十度，不過我覺得自己表現還可以

極遠處看見大波波山頂啊, 迢長路遠,

周圍的花也很美

大波波

呢度抖抖先，可以看到元朗、石崗一帶,仲可以見到雞公山同大刀刃

朋友仔好像行得很辛苦

沿路景色很不錯

路很長,但勝在路況極好, 好好走

緩緩而上 行下抖下

 

竟然連獅子山也可以遠遠見到

前左方為四方山，迢長路遠

大概兩小時便可抵達大帽山地標-大波波。這是全港最高的山峰(約957米)，但由於最高處為天文台禁區，沒有標高處，所以只能在大波波周遭留影。而呢度個門口有些字我不太喜歡，也沒有留影了

係度食下野, 抖下 

然後沿另一邊下山，

 

有牛牛，山友話之後會更多牛，等我好期待，因為呢度亦是牛牛的聚居地，幸運的話會遇見牠們成群結隊吃草休息，

呢段路都幾斜幾攰，落都咁辛苦，掉轉上來真大煲

 回望大帽山, 原來已下降這麼多

轉入泥徑便代表進入785米的四方山，

係呢度大家都抖抖

四方山山坡滿是一望無際的草原，而且滿佈怪異巨石，彷如進入了八陣圖，

不過我本身不太喜愛看石, 所以沒有太大驚喜

 由大帽山至此美景處處，極目前方，可以遠眺屯門青山、元朗石崗一帶、大刀刃、雞公山、大埔、馬鞍山、沙田、獅子山及至港島、大嶼山，香港九成以上的地標都盡收眼簾，

向此方向的遊明顯較少，我地行到好舒服

 這石是地標

前方的草山及針山與大帽山遙遙相對，連走的話就是遠足界所謂的針草帽考牌路線。不過以我們的體能有排都做不到

說回四方山，山徑坡幅不算大，相當好行，只是樹蔭較少，要注意防曬，

但行左好耐都不見牛的踪影，有點牛望，可能今天還是來晚了一點，

行到呢度，終於見到零星的牠們，正悠然自得享受日光浴。開心

我地其實一路搵緊上次行錯的荒徑, 深深不憤啊

好了，要下山往鉛礦坳，呢條落山路取了朋友仔隻腳的命啊，痛死了吧，真係要休息下了,而我呢日就係山羊 mode, 狀態不錯

去到鉛礦坳，我都要坐低休息下

本想到大城石澗，但時間又太晚了，只能再一次skip左佢。

行出去水塘都幾遠，

 

快要入夜，又見到牠們了

水塘要乾了

我還是決定兜路走，避走波蘿壩

一行山去有小巴，幸運 (有野豬, 但太遠, 影不到/)

 

因為好攰，去到荃灣求其入左間pokka 食野, 久違了,但味道及服務已大不如前

 

是次山徑不算難走（調轉走難度就倍增），但確實迢長路遠，要預留足夠時間。而最大驚喜是，原來一個山峰已經近乎看見整個香港，視野極之開闊，難怪是看日出雲海的打咭熱點。 下一次如果有機會有能耐,也想走走針山啊

路線：大帽山郊野公園、大帽山、四方山、鉛礦坳、城門水塘、菠蘿壩

需時：約5.5小時(我用了7.5小時)

難度：3/5星

景觀：3.5/5星

長度：約15公里 

#山系阿禪

#山羊mode

#療癒的大自然

#人與自然

#最多草的旅途

#八陣圖

#牛牛聚居地

#按自己的速度走自己既路線