呢一日終於衝破心理關口, 去馬尿水!
事關我一直好想去東坪洲, 但一直解決唔到早起身去廁所的問題, 又有機會因太多人上不到船, 不知要提早多少時間去排
這天朋友仔話不如去鴨洲或都荔枝窩
咁我諗, 如果都係要乘馬尿水9點的船, 為甚麼不去東坪洲?
但當刻沒有諗太多, 去就去啦, 到時看看邊度有船
呢一日好誇張, 五點四十五分起身, 準時六點十五分出門
七點零五分去到沙田, 我的極限呀
然後去沙田食大家樂
但呢日個肚好唔生性, 去得唔多好, 相信都係太緊張的問題
等到八點都係麻麻地, 可能我心理作用?
最後決定繼續出發, 乘小巴往馬尿水出發
八點二十分去到, 感恩不算超多人排隊, 但我地都幾乎係隊尾
九點來基本上不到了,
記住, 它得一班, 上不到便大穫了(不一定有加班船)
好了, 九點準時出發,
終於向香港最東北的島嶼進發
呢程船幾乎全爆滿, 要坐1.5小時, 雖然我坐慣長途車,
但都幾耐
加上同行坐了兩男一女, 怪怪的, 其中一人更是除了口罩, 叫了他戴也不理你(之後有下文)
因為不是坐窗邊, 也沒有太留意出面的景色
一下船, 先去一去碼頭的洗手間, 雖然沒燈, 也要自已沖水, 但感覺還可以。
如果要環島遊, 網上話大部份人會從左邊出發, 所以如果想避人潮, 可以從右邊出發, 我地呢日好多遊人, 兩邊人流均等, 而且也沒有特定路線, 所以決定向左行 (右邊係食肆集中點 諗住行完最後才食野, 點之…)
早上10時45分出發, 究竟最終行了多少時間呢?
一開始已被這些頁岩所吸引
大自然太美了
呢日天氣稍降, 有廿七八度, 我地以為唔洗帶太多水, 只有一支水及一罐咖啡
點之之後好大穫, 係唔夠水呀
好靚的珊瑚啊
呢度有勁多的海膽, 係勁多!
仲有好多靚貝殼
呢個位頂部太多人, 放棄上去
其實附近好多好好拍照的地方
天氣開始越來越熱, 不停出汗, 水好像不夠!
開始有點山路!
又話山系阿禪, 但行唔郁既!
海市蜃樓呀, 山中竟然有驛站啊
姐姐好辛苦抬上來賣, 索價25蚊一支酸梅汁, 有行山客嫌貴
我就覺得係甘露, 多謝姐姐救我一命, 我熱到一口氣飲了一支!!
繼續向前,
到了龍過水位罝
像一條龍嗎
呢度係我覺得東坪洲最靚的地方
呢張相我十分愛
終於找到個位置抖一抖, 你吃了點東西, 我則沒有, 熱到不想吃啊
最後一個重點打咭位
但見到很肥的老鼠
沿山路再走!
打咭位
這個貓眼位置我生氣了, 還記得一早在船上遇到三個怪人, 當時他們早我們幾步爬了上去, 影了很久也不願下來, 之後來了兩個他們的同路人? 聲稱幫這三人一影, 又影了一段時間,五條友影來影去, 我覺得被打尖, 同埋呢五條友分明玩野, 明明見到我們在等! 之後個兩條友爬了上去, 那三人離開, 又不斷狂影! 我發爛了, 表示離開, 你說再多等, 但那兩條友繼續影, 因為差不多三點半, 我未食飯, 又要5點趕船離開, 真係火都滾了, 你最後同兩條友講影左太耐了, 我話你們在打尖, 他們才肯下來, 前後等了超過二十分鐘! 只為一個地方拍照! 如果這裡沒有人等, 我覺得你可以影一天, 但人家已讓了你影先, 你還再死霸著影, 要知道遊客這麼多, 不容你這樣自私! 真係讓我著了!!!!!! 我們影了幾分鐘, 見有一班人正在過來, 也只影了幾張便讓給人了, 邊有人咁L自私, 氣死我了
然後行番出去,去左個罕廁, 非常唔掂, 沒水沖的, 千祈唔好用呢個廁所
終於去吃午飯, 已經係四時十五分了!
海膽炒飯不當造, 唯有吃蝦仁炒飯, 還有東坪洲掘的蜆, 雖然細細隻, 但好鮮味!
果然好吃, 服務亦很好
提早左少少排隊等上船
呢次坐到邊位, 原來大鵬灣勁大浪的, 好驚
遠遠見到海下, 我們曾划艇的地方, 呢邊比較細浪
仲會看到馬鞍山
累透的一天, 但很開心, 這個地方真係太靚了, 很值得來,上了一課地理及生物課
拖住隻腳行去大學站再轉火車去沙田, 求其吃點東西, 便回家
腳的問題繼續惡化, chur 得太行?
真係好值得去👍👍👍👍👍
回覆刪除希望有機會再去
刪除