5月中, 展開我的人生首個SOLO之旅, 福崗5日遊, 心情有點複雜, 既興奮又有少少擔心
呢個旅行 其實早於去年9月已計劃出發, 但當時始終有點淆底, 受天災傳聞影響, 也對自己無信心所以最終取消左酒店booking
到了去年12月, 因為受到更大的衝擊, 我一直以為自己對某些人來說很重要, 但原來我想得太美好了, 咁多年情況沒有改善之餘甚至越變越差, 心 – 很 – 累。當時諗, 即使世界都不珍惜你, 你更加要活得好好的, 能夠陪伴自己的人， 永遠也是自己，所以就即刻上網看機票, 睇唔夠一日已經買埋, 決心真係好大。
除了衝擊, 其實我很需要自己一個人的空間, 也因為接近兩年沒有去過旅行, 很想出外逛逛, 而這些年的其中一個bucking list亦係獨遊, 所以呢個旅行終於confirm了, 希望透過一個小旅行為自己療傷。
雖然買左機票, 但呢半年都係有少少掙扎, 因為有天災預言，對自己的能力又有懷疑，幾十歲人第一次一個人去旅行（20幾年前去澳洲自己乘飛機, 但去到有人接嘛）, 都有少少擔心。最終我差不多拖到去四月尾才決定請假, 所以我只有大概兩星期準備, 例如買保險, 唱錢, 買SIM咭, 仲要搵下d local
tour, 不過因為係自己去, 唔需要同任何人商量, 所以所有野可以即刻決定, 正。
出發前一日因為去左黃金慶祝母親節, 攪到五點幾先返到屋企, 然後開始pack gip, 一個人去旅行咩都驚漏, 所以好多野都預多左, 要令自己萬無一失。
我係乘香港航空10點半機, 連稅約$2100, 真心唔貴, 我7點已出門口, 好在去程巴士有最下一格行李架, 感恩。
呢程巴士只係用了35分鐘, 我大概8點已去到機場, 早到呢, 因為要食早餐又要去廁所咁。
因為已網上check in, 所以我一去到已有職員幫我係d機到print機票, 然後去托行李, 整個過程不用十分鐘。
過左關想搵太興但找不到, 便去左food court食早餐, 醒晨呀!
去完toilet大概仲有半小時才上機, 我行到去觀景台但有人食煙, 所以我沒有出去, 但坐係裡面望住鳯凰山, 好安慰。山真的給我好大力量
係呢個時候大姐和我試GPS, 係呀, 始終一個人, 我開左個定位俾我姐, 有姐的孩子像個寶。
上機了, 我特登加錢揀位, 坐窗口近走廊位, 買飛時候裡面無人mark 架, 而其實架機好多位剩, 無咩人, 見到有兩個女仔分別一人可以坐到中間4個位, 羨慕。而我呢, 裡面竟然坐了一個很肥的男士, 命水既問題, 不過好彩個男士都好斯文。
飛機餐, 又看了破地獄
呢程機好快, 可惜我都要去下廁所, 這是我繼20多年後, 再一次自己乘飛機,
日本時間2點幾到福崗機場!
過關等行李約用了30分鐘!
因為上次已和姐姐一家來過, 同埋做左網上資料搜集, 所以很快衝左去乘免費接駁巴士
福崗你好!
10分鐘便到了地鐵站, 再轉兩個站來到博多!
因為我book 番上次同一間酒店, 我基本上唔洗搵路!
去到酒店上埋房也剛剛4點!
$900晚, 好貴, 已經係最平房種, 但佢upgrade左我, 有露台, 好滿意呀, 打開三個gip也可以
我本身無計劃呢日行程, 只係諗住係附近食完飯就回酒店,
但見一切順利, 時間好早, 我決定調下行程, 去博多運河城買龍貓先
點之太有自信, 一上車已搭錯方向, 好彩好快知道
去左櫛田神社快打個咭,Google Nam好唔簡單, 我兩次前只來過一次, 但一下車並沒有打開地圖已經記得點行, 太強了
博多運河城 , 但龍貓專門店唔多野啱, 失望, 再去MUJI幫B買東西
7點幾已覺得好餓好攰, 去左星乃咖啡店
好喜歡一個人的卡座
個蝦飯同奶茶好好味呀, 真係一個好開始, 呢餐都係六七十蚊港紙, 係, 我當時兌yen 大概5.4, 其實之前再平些, 但我去唱時又升番
回到博多買左少少生果便回府,
因為我驚青, 答應自己每天8點前要回酒店, 但之後日日都係遲
呢晚好攰, 但都係訓唔著
不過躺在床上Me time好舒服
好有空間感, 太正
沒有留言:
張貼留言