第五天: 博多, 機場
下午要回港了, 所以也沒有行程,
九時多去到酒店樓下, 覺得凍凍地, 竟然要上番去取外套,
個肚好像麻麻地, 咕嚕著, 可能蟹太寒涼了
經同事介紹, 去了這間咖啡店, 原來距我酒店只係5分鐘路程, 勁近
咖啡好出色
之後去了博多車站, 補左少少手信就返酒店
行李好多, 我係點拿回香港的, 哈哈
因為肚痛, 又遲了幾分鐘先去check out, 感覺日本人都不太開心, 準時真的太重要
呢間酒店很好, 我一定會再去
其實我係4點機, 點解要咁早去機場, 因為一個人嘛, 驚有閃失, 早些去會心安點
今次不像前年,回程乘巴士, 基乎上不到車又塞車, 決定乘地鐵轉巴士, 巴士仲要係免費
好多行李, 買了太多。
好順利, 未夠一點已抵機場
Check in 時, 佢話我有背包, 又有handcarry,
佢要我寄倉埋個手提行李, 我唔滯, 好彩最終也放行
過關超快, 幾分鐘攪掂
去左food court食拉面餃子, 好正
然後又去飲杯野, 櫻花抹茶特飲, 個景好掂, 真係好治癒
行左陣, 差不多上機(佢好像提早左半小時!!), 點之我突然肚痾, 係真係瀉個種, 應該係杯櫻花特飲同昨日既蟹!!
好彩有驚無險, 順利上機, 當時有少少擔心, 因為係廁所好耐, 又登機中,呢個也是一個人去旅行既問題
今次又係揀路口位, 窗口又來了一個男生, 他似乎有些多動靜, 但整體大家也很平和, 沒有撞到大家。
飛機餐
3小時的機, 看了戲很快過
過關等行李也快, 本身諗住乘的士, 怕托不到行李, 但見巴士還有20分鐘便到, 我又企頭位, 可以霸到地下個格行李架, 所以最終也乘了巴士
回到家也是7時多, 兒甥女和二姐在我家吃飯
我漏夜清空了個喼, 太強了。
呢次旅行機票約$2000, 酒店4晚$3600堅貴但一個人俾又有要求無計,
保險SIM咭約$300, 食玩買交通約$6500, 約用了$14000, 都唔平架, 日元當時兌5.4
屋企人我只係同左大姐同B講我自己一人去, 費時大家擔心
一個人去旅行也開心, 但好多野要自己注意同解決
不過今次旅行我係因為唔開心而出發, 有時都會諗到一些不開心既野, 好彩我好快消化到, 繼續行程, 算係差到電
總括來說, 以我一個咩都驚一餐既人來說, 今次真係成就解鎖
我相信, 一人之旅, 陸續有來
多謝令我成長的人
沒有留言:
張貼留言