~Photo of the tour~
小小的人遊東歐有感：
其實係我Travel itinerary 裡，東歐從未列入五強，不過今次因緣際會下，我跟一位在Travel旅程中認識的朋友結伴遊東歐！世事真係好神奇。
說來慚愧，出來做事多年都只能集中火力去東南亞（其實都只係去過幾個地方），最巴之閉可能係去過澳洲同瑞士，要衝出亞洲一定要儲備足夠彈藥，所以我覺得自己已經好勁，2013聖誕能出走東歐，真係要俾個讚自己！
我成日都想去旅行，有太多地方未去過，好想去explore下，但其實旅行都好講天時地利人和，近幾年發覺錢同有無travel
buddy係一個核心問題，所以東歐雖然不是我的top 5 ，但今次能夠成行我已經覺得好開心！
東歐給我的印象是帶點神秘而富有深厚歷史文化背景的地方。四地之中，我最喜歡捷克，縱使當地的治安亦好像最差，不過這個地方很有味道，嗯，是一種蒼涼又不失瑰麗的味道。最令我深刻的，莫過於四個地方都充斥納粹德軍、共產的氣味，尤其是他們都戴著厚厚的大冷帽、披著深綠色大軍褸，你完全覺得呢種形象好似打緊二次大戰（這是否衣著欺凌呢，哈哈），這也可能是部份人覺得東歐依舊落後、不夠文明的原因吧。
其實所謂落後都是一種誤解，當我走過他們的百貨公司，裡面鋪滿林林種種名牌物品，這裡充斥的都是資本主義！還有遍布各城市的聖誕市集，其實他們過聖誕一樣是隆重其事，好鬼熱鬧架！
至於他們的博物館，數量之多亦令人汗顏，單是栢林市已有數百間，完全是歷史文化匯聚的地方！
今次旅程踫上不太理想的天氣，寒冷天陰日照短是預計到，但濕凍霧霾卻是unexpected!雖然有點掃興，但總算見識過當地的歷史建築、小鎮風情和自然風貌，也算是大開眼界！
我已經諗緊下次去邊，好誇張！希望未來數年會有機會去以下o既地方！Yeah!!
MY Ideal Travel Planssssss~
Tasmania (一直很想再次踏足澳洲，這裡有我最愉快的旅行回憶！但珠玉在前，害怕／肯定找不到當年最年輕單純的心情，我驚會失望呀！好矛盾！)
北海道（講左N年，勁想去小樽！！極想食長腳蟹！點解歐洲都可以成行，北海道仲未攪得掂呢？？）
西藏（見到人地影番來d相真係靚到嘔，珠峰、納木錯、羊八井冰川帶…..但去呢個地方極有難度，除左難以搵到Travel buddy，內地的衛生環境實在讓我極卻步！！想起當年遊故宮，我完全接受唔到離幾十米廁所都能聞到那種味！雖說現在或已有所改善，但我覺得這是根本文化素質的問題！內地要處理這個問題相信是經年的！）
台南(見到blogger都好推介呢個地方，我都好想住下民宿、踏下單車出城，浸下溫泉，得閒飲杯茶食件餅，好似幾悠閒！)
北歐（呢個明顯係諗多左，不過諗下都開心，對芬蘭、瑞典、挪威、丹麥都非常有興趣呀！最好可以睇埋北極光，人一世物一世，點都好想睇一次架！）
寫完喇,bye bye la , 今次寫得勁快,好有效率!希望新一輯o既遊記可以好快再次登場!!
沒有留言:
張貼留言