2013聖誕東歐四國之旅~Day 8 Part 1

Day 8 Part 1

小瑞士(Saxon Switzerland)--- 德累斯頓(Dresden)--- KaDeWe百貨公司

德國天氣：4-9度，天陰，間中有陽光(呢幾粒字好珍貴)，寒冷

來到德國的天氣確實比之前好，起碼無咁凍先。而成個旅程中，我地留係德國會係最長時間，有接近三天！可惜德國的行程較為悶呢……(去德國可能真係要參加深度遊先得，我地呢幾日大部份都係行百貨公司同博物館……)

呢度早餐一般，無咩款揀，但有熱牛奶供應，正！我飲了兩大杯！！

第一站係小瑞士！乘車時有陽光wor

可能領隊驚我地太大期望然後跟住又失望，所以不停同我地講呢個地方應該會煙霧彌漫，進入仙境咁，又話似中國桂林多過瑞士。煙霧其實我地已經無相干，反正差不多day day都係，我地已經無期望，只係祈求會有少少光同千祈唔好落雨！

晨光第一線，加埋煙霞其實好靚呀

真係幾似桂林wor!!　同瑞士完全扯不上關係！！

 呢段路就有d feel

突然有陽光??

反而呢段進出小瑞士的路好吸引！！如果舖滿白雪真係不得了！

 之前天氣咁差，完全不想帶牠們出來，今日見有少少光，就俾佢地出來影下相啦！

我覺得自己影得好靚！！佢地之後仲會出場架!

我地影左一輪紅葉，團友們又跟住影，証明我地取景有道！！

返出去德累斯頓途中,太陽要出來了??? 為什麼只有在車上才有陽光???

下車時,見到藍天!!!!!!!振奮!!!天氣暖左好多呀

湯,ok

德國豬手，勁大隻，無可能食得哂！只能放棄哂薯仔,但味道只係一般，佢純綷整熟左隻豬手再沾汁吃，香港的德國餐廳整得還要好！

 布甸，唔錯。