2013聖誕東歐四國之旅~Day 8 Part 2

Day 8 Part 2

小瑞士(Saxon Switzerland)--- 德累斯頓(Dresden)--- KaDeWe百貨公司

攝於往Berlin途中的一個黃昏

食完午餐去邊？仲記得昨天我地話今日要返去德累斯頓(Dresden)影日光相？太開心，呢個決定係正確！！因為終於有太陽！！！八日來首度咁猛太陽

 

君王出巡圖呀,我們又來了!

 

 

 好像黎左東歐咁耐,都無試過咁好陽光,呢個moment亦係十日旅程裡最暖的!

可惜這些景點其實無咩特別，換左係漁夫堡同古姆洛夫就勁掂了！！！

 其實自由時間都係得半小時左右，又係要飛快影

 不過都唔可以咁高要求，因為陽光係可一不可再了！過埋呢半小時，就要番香港先見到陽光喇（真係灰爆…..）

 

因為之後又要坐長途車落Berlin，所以一定要搵個洗手間去下先。搵來搵去，見到有個博物館，但職員對我們的態度好差，當佢知道我地不入博物館，但想買票入洗手間時，完全唔啋我地囉，乞人憎！你又唔係唔收錢！態度差到痺

 

再上車的時候，影到呢一幕，我覺得影得勁靚呀！

出發去Berlin ，KaDeWe百貨公司。

去得栢林這些大城市，當然又係好多人

事緣朋友仔早幾天爆了喼，今日終於有機會買番個喼，揀左一隻寶藍色的RIMOWA，好靚，亦好貴！

之後我地就分道揚鑣，朋友仔去看手袋，我就去超級市場買手信！無法子啦，已經第八天了，真係無咩買過手信，我知係德國朱古力又貴又唔好食（瑞士真係好味好多），但係咁二都要買d啦，無理由兩手空空！

 

見到呢兩張postcard好鐘意，即買！

跟住搵到孖人牌專櫃，但沒有我要買的指甲鉗，失望！！

匯合了大家，就去食晚飯了！

今晚食中餐，不過不失吧，好開心係見到兩碟炒菜！！

返到酒店又係八點幾，其實日日係咁都好攰呀

今晚住的酒店叫Estrel ,都唔錯啦，連續住兩晚架，今晚終於唔洗pack行李！

明天將會上一整天德國歷史課，要抖足精神！！