話咁快就來到行程最後一天了, 我地又去酒店食番個早餐先
咁我地一早check out左, 就打算去機鐵站check in 寄埋行李先, 真係好方便, 由酒店行去台北車站機鐵站只係十餘分鐘,
而我地發現最方便的, 係原來去寄存行李同check in 後, 係唔需要一定乘機鐵去機場的, 你係可以選擇其他工具, 咁等同免費同你送行李去機場, 會唔會太方便吧!!! (大家也知, 在香港機鐵站check in , 必須要幫襯機鐵嘛) 不過我地因為未乘過它的機鐵, 又想試下, 所以之後都係決定乘機鐵去機場。
攪掂左行李, 我地就出發去松山文創區, 咁由台北車站去去方便, 搭乘捷運板南線（藍）至捷運國父紀念館站, 從五號出口出站, 沿光復南路步行至菸廠路(市民大道、光復南路口)約550公尺就到!
呢日好熱, 一路行路除衫
又係扮文青
好多手創作品
行到咁上下就搵野食
好大間誠品
咁大家都好像飽飽的, 就決定食個定食算了
食完就去春水堂飲杯野
好懷念大家飲杯野時間
再買左少少野, 我地就番台北車站了
出發往機場
都不錯舒適
好像乘了四十分鐘到了!
無錯, 去程11Kg, 回程16kg, 真係買得唔多了
台灣太文青
上機了, 我地乘六點機返香港
回程我看了甚麼戲, 怎說想也想不起
回到香港八時許, 不過等行李用左大半小時, 差不多十時才離開機場, 好彩我明天不用上班(哈哈, 當時仍在失業中), 兩位朋友仔好堅, 第二天還要上班啊
一向有堅廦的我, 就算第二天要返工也堅持返到屋企清污糟衫出來, 不過呢次覺得好攰, 所以決定第二天才清喼
台北, 不足兩年半來了四次, 真係平靚正之選, 我最喜歡當然可以係呢度飲杯野,做下偽文青, 輕輕鬆鬆玩一個小假期, 不過最近真係去得比較多, 下次去台灣可能會去下第二度先!
今次旅行plan得有點急, 零行程零計劃啊, 感恩有兩位朋友仔同我去鬆下玩下, 幫自己叉下電, 放空下
今次張機票好貴，約$1600, 加埋酒店同洗費, 洗左大概5XXX多元, 因為真係無咩買野, 算係咁啦
部份戰利品
給小最愛的小讀物
2019年, 要繼續環遊世界啊!!!!
沒有留言:
張貼留言