我兌現了我的承諾，要勤做運動，哈哈，所以捉左我d摯愛親朋同我一齊流汗！
呢幾年間，我都有去過南丫島，到榕樹灣＂散步＂，去索罟灣食海鮮，唯獨是由榕樹灣行去索罟灣，就一次都無………對上一次係幾時？…..好恐怖，原來係１Ｘ年前，波sir帶住我地成班同學行的一次！！真係勁耐了！
11:00落船,陽光勁哂,熱到唔識講…………
公眾假期去離島，係好傻的一件事，多人多到驚，但沒有辦法，只有這些時間才可以就到咁多人！
呢間書蟲cafe好吸引！可惜今次結伴的都不是hea人，所以下次先入去了！
出發了！
呢度d鬼仔會擺地攤,將二手書拿來賣
唔明白點解一碗豆腐花可以風靡咁多人，但既然係＂名店＂，我地呢d凡夫俗子當然會去試下，買豆腐花都要排長龍，香港人真係好可愛。記憶中，我係呢度食個兩次，水準都ok，但可能人太多，阿婆好像越來越求其，賣相越來越唔ok
我地本來可以直去洪聖爺灣,但大家決定行多少少,轉彎上風力發電站,呢段路都幾….斜
die左的蜜蜂巢,有人一手扯落來,嚇到我同沙律走都走唔切
好哂,好斜
由阿婆豆腐花出發,約二十分鐘便到
行到呢度,我開始溶,好彩今日尚算好風,感覺還可以
今天對我來說曉有意義,原來只要我仍堅持,我還會看到奇蹟,別人覺得很誇張,但這些年來我真的常感到很氣餒,太多事情不知從何入手,但原來,有些堅持,是必須的。
昨天看了一齣話劇,劇中唯一一幕讓我眼紅紅的,是主角對她父親的獨白,有些事情,真是需要大家努力經營。我一路看,不住的反思,我自己也有很多缺失,希望亡羊補牢,未為晚也。
謝謝我的朋友仔,我會繼續努力的:)
呢幅我覺得影得好靚!
落番山又係挑戰體力的時候,但原來,我地只係行左3分1行程!
去到洪聖爺灣,有個小朋友嚷著玩水,我呢個阿auntie終於為今年揭開下水(腳)禮!
呢度燒野食真係一流,記得N年前同朋友仔係呢度吹左好耐水,真係好懷念!
跟住要出發行上山了!一路上因為我已經溶掉咁滯,所以都無咩影相,飲左兩支水都唔夠!
環境都算幾靚,不過周遭太多人了,好噪,所以扣了少少分
差不多3點半,係呀,行左成四個鐘! 終於去到索罟灣! 可以食個”晏”了!
我地揀左天虹,我只係貪佢個洗手間較為乾淨,價錢一點都不便宜,碟頭又細,味道中規中矩,不過都係個句,到此一遊,都預左要俾人賺
去天虹唯一o既好處係,佢有私家船免費送你返出去中環同尖沙咀,雖然話應該計埋入成本裡面,但唔洗同人迫,又坐得舒服些,感覺上好似有d著數啦
架船係咪幾靚,有架位有bar枱又有沙發,哈哈
就咁樣完成美滿的一天,不過下次行山可能要等到十至十一月了,因為實在太熱喇!
沒有留言:
張貼留言