Happy Birthday 2016 Part 2

小小的人喜歡藍天與白雲, 生日當然要親親大自然, 這次選擇了大浪灣(上因為上年玩浪玩得好開心, 今年都係揀番佢, 不過今次就無咩浪了~~)

飲茶, 是我們指定動作

但呢個古法灌湯餃令人好失望

粥是穩陣之選

食飽飽就出發去筲箕灣, 嘩,今日勁多人, 等了半小時才上到小巴

幸好大部份在石澳下了車,我自我安慰覺得大浪灣應該少人些吧(我的強迫症越來越嚴重吧, 實在很怕很多人啊)

都算幾多人

租了椅和傘,, 找了一處相對較少人的(不過係越晏越多人呀)

呢日勁熱勁好天!!!

薯片係我必備的

去左食個面,唔係咁好食, 都係大浪西灣個間士多好食d(出前一丁不是一樣的嗎???), 下次一定要去大浪西呀!!!!

躺在椅子, 聽著海風,呷一口椰青, 爽!! 不過呢日個灘好靜, 我指係海面, 無浪玩, 好多人玩衝浪的人應該好失望, 我呢, 記得試過俾浪衝上岸時係好好玩架, 玩到唔捨得走, 希望下次來會有番少少浪吧

四點幾去沖身, 勁多人,排左好耐隊啊!!

好彩好快有小巴

啟程番老家, 今次揀左去黃金海岸食buffet, 信和會員生日月買一送一,所以就揀佢啦

 燒烤有質素, 我勁愛燒菠蘿

雪糕係movenpick. 有點驚喜

我地選擇坐樓上, 雖然取食物有點不便,但人少d ,靜d,又有sofa 坐, 好舒服! 可惜原來窗邊位置已被劃出開設另一個專吃扒的西餐廳(之後有去食過, 下回再續), 不然坐窗邊更正!! 呢度仲人唱歌, 歌聲very nice, 為輕鬆愉快的一天, 劃上完滿句號

同場加映弟弟送我的芒果布甸狗蛋糕, 好味又好得意!!