12月25日 聖誕節
Auckland奧克蘭 to Queenstown皇后鎮
呢一日要乘內陸機去南島，所以我地要好早起身，我記得同朋友仔５點１５分就起身了～～即係訓左三至四個鐘就起身，早到一個點～～（基本上我覺得自己由出發至今都好像無咩訓過，喪屍似的）
因為聖誕節，好多舖頭也沒有開，連我地酒店既餐廳也沒有開，我地要去隔離酒店既餐廳食早餐，攪笑到呢～～
呢間餐廳都有多野選擇，繼續奇異果汁
食完就出發往機場了～～
過關係自助形式，好方便，我地要自行將行帶標籤自行掛在行李上（在香港總被寵壞了）
呢程機大約飛一個多小時～～睇下, 空少都戴上聖誕帽，好應節～～
我好鐘意雲
小吃曲奇，呢個牌子係紐西蘭好出名，不過好甜啊～～
又見到佢，佢好nice，同一間公司，紐航的內陸機既職員好好，國際機就真係唔太好了～
呢度有少少插曲，話說差不多到埗時，遇上氣流，要扣上安全帶，但我的肚子突然不生性，係突然間好肚痛，係一定要去廁所個種，那時候覺得要不捱到下機，要不衝入去廁所，但唔知會唔會受到阻攔！但。。。。我真係怕捱不到下機了～～我決定冒住俾人鬧也要衝入去！！果然，成機人都安坐時，我獨自衝去廁所！當然空姐即刻攔住我，叫我番埋位，但我同佢講我好有需要！可能我個樣真係好危急咁，空姐就叫我要快，同埋要扶實！！多謝你俾我入去！！唔係我真係會死架！！哈哈，所以話，我既腸胃係好難攪，點解我成日怕無廁所去，係有原因架！！呢次真係有驚無險＠
去完廁所，返到坐位見到有彩虹，好靚啊～～
好多河流啊
終於落機了～～
紐西蘭既南島係遊紐西蘭既重中之重景點～我地首站係Queenstown皇后鎮～皇后鎮素有世外桃源的美譽，真係令人好期待～～
不過一離開出境大堂，雖然天陰陰，但好熱下wow，我覺得有十幾廿度，著住見厚褸登時要除了
沿路風景，天陰陰，太陽快點出來吧
出發往酒店，今晚住既係Millennium，我地會住三晚架，都係無企缸，但呢間酒店有wifi，不過我都無咩用過，以為可以唔洗朝朝執行李訓晏d，原來又唔係～因為之後日日都好多行程，要好早起身～～
因為今日係聖誕節，好多地方都唔開，我地既行程亦都要重組，咁今日有咩行程？就係自由活動喇，哈哈！
稍事休息，領隊就帶我地去行皇后鎮個三條街搵野食！
因為落機時覺得好熱，咁我就換左件短袖兼薄外套，點之一出發就落好大雨～～不過都要照出發，而且仲有點凍啊～～（都說紐西蘭一天可經歷四季，時晴時雨，當真係錯！）
領隊簡介左呢三條街有咩好賣有咩好食（其實選擇無咩，因為大部份都無開門，包括starbucks!），再話俾我地知今晚食晚飯既地方，就解散我地了
看了其中唐人開的舖頭，紐西蘭的物價不弱，一支小小的手霜也要三、四十蚊港幣
咁一路落緊雨，又無咩靚餐廳開，我地就直接衝入food court!
咁又不是十分肚餓，我地去食麥當當了！
皇后鎮的第一餐！
我肌渴左好耐既紐西蘭第一啡，係chai latte!!
係度同朋友仔吹左好耐水，因為唔知出面仲係咪落雨，我估我地都坐左成個鐘，咁大約四點到，我地決定出去看看情況，嘩，真係估唔到，係陽光普照呀
呢一刻我地終於見到皇后鎮世界桃源既真身～～好靚好靚呀～～想知有幾靚，下回分解啊！
（今天年三十，收爐了，狗年大家也要身體健康，出入平安，開開心心啊）
期待😍
回覆刪除😘
刪除